आरम्भ चौतारी लघुवित्तको शेयरमा उच्च खरीद चाप, बिक्रीकर्ता शुन्य

दुई लघुवित्तसँगको मर्जर सम्झौता गरी अर्को दुई लघुवित्तलाई प्राप्ती गर्ने सम्झौतापछि आइतबारदेखि शेयर कारोबार खुलेको आरम्भ चौतारी लघुवित्तको शेयर खरीदमा लगानीकर्ताको उच्च आकर्षण देखिएको छ ।

लघुवित्तको आइतबार प्रतिकित्ता ७३८ रुपैयाँमा शेयर कारोबार खुला भएकोमा पहिलो कारोबार नै ७५२ रुपैयाँमा भएको थियो । पहिलो कारोबार नै २ प्रतिशतमाथिबाट कारोबार सुरु भएको लघुवित्तको आधा घण्टा अगावै पाँचौं कारोबारमा नै सकारात्मक सर्किट लागेको थियो । लघुवित्तको शेयरमूल्य ७३ रुपैयाँ बढेर ८११ रुपैयाँ पुगेको छ ।

कारोबारको एक घण्टा अवधिमा लघुवित्तको सर्किट मूल्य अर्थात ८११ रुपैयाँमा ५०१ खरीद अर्डर मार्फत १ लाख ६९ हजार ४८१ कित्ताको माग देखिएको छ । लघुवित्तको कुल ५८८ वटा अर्डर मार्फत २ लाख ५३ हजार ६४४ कित्ताको खरीद माग नेप्सेमो ट्रेड म्यानेजमेन्ट सिस्टमा देखिएको छ । आजैबाट कारोबार खुलेको लघुवित्तको बिक्री अर्डर शुन्य रहेको छ । सर्किट मूल्यमा शेयर खरीद गर्न खोज्दा समेत लघुवित्तको शेयर पाउने अवस्था छैन ।

हालसम्म लघुवित्तको २०० कित्ता शेयर १ लाख ६८ हजार ७१० रुपैयाँमा खरीद बिक्री भएका छन् ।

नेप्सेले नयाँ उचाई बनाएसँगै लघुवित्त साढे तीन महिना बन्द रहेर आइतबारदेखि लघुवित्तको शेयर कारोबार खुलेकाले यो लघुवित्तको शेयरमूल्य अझ बढ्ने आशामा लगानीकर्ताको आकर्षण यस लघुवित्तमा उच्च देखिएको हो ।

• मर्जर भङ्ग भएपछि आरम्भ चौतारीले गर्यो दुई लघुवित्त प्राप्ती गर्ने सम्झौता
• तीन लघुवित्त कम्पनीबीच मर्जर सम्झौता, आरम्भ चौतारीको शेयर कारोबार रोकियो

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।