कामना सेवा विकास बैंकको नाफा साढे ३९ करोड, सम्पत्ति बिक्रीबाटै २१ करोड धेरै आर्जन

कामना सेवा विकास बैंक लिमिटेड (KSBBL) ले चालु आर्थिक वर्षको दोस्रो त्रैमासम्ममा ३९ करोड ४७ हजार रुपैयाँ खुद नाफा आर्जन गरेको अपरिष्कृत वित्तीय विवरण प्रकाशित गरेको छ ।

गत आवको यहि अवधिमा बैंकले १४ करोड ८५ लाख १९ हजार रुपैयाँ मात्र खुद नाफा कमाएको थियो । गैर सञ्चालन आम्दानीबाटै बैंकले २१ करोड २ लाख नाफा कमाएपछि बैंकको नाफा गत आवको तुलनामा २४ करोड ६२ लाखले बढेको हो ।

बैंकका वितरण योग्य नाफा पनि बढेर २७ करोड १९ लाख ६७ हजार रुपैयाँ पुगेको छ ।

चुक्ता पूँजी २ अर्ब ५४ करोड १ लाख रुपैयाँ रहेको बैंकको प्रतिशेयर आम्दानी ३०.७१ रुपैयाँ छ । गत आर्थिक वर्षको पुस मसान्तसम्ममा बैंकको यस्तो आम्दानी ११.६९ रुपैयाँ रहेकोमा १७.७३ रुपैयाँले बढेको हो ।

बैंकको जगेडा कोषमा ४९ करोड ५३ लाख र शेयरधनी कोषमा २६ करोड ८९ लाख ७६ हजार रुपैयाँ सञ्चित छ ।

पुस मसान्तसम्ममा ३८ अर्ब १८ करोड ४१ लाख रुपैयाँ निक्षेप संकलन गरी ३१ अर्ब २० करोड २८ लाख रुपैयाँ कर्जा प्रवाह गरेको छ । बैंकको खुद ब्याज आम्दानी ६८ करोड ८० लाख ८९ हजार र सञ्चालन नाफा ३४ करोड ६९ लाख ५६ हजार रुपैयाँ आर्जन गरेको छ ।

दोस्रो त्रैमासको अन्त्यसम्ममा बैंकको प्रतिशेयर नेटवर्थ १३०.०९ रुपैयाँ, मूल्य आम्दानी अनुपात ७.९८ गुणा र निष्क्रिय कर्जा अनुपात १.५९ प्रतिशत पुगेको । यस्तै कोषको लागत ६.४८ र आधारदर ९.०६ प्रतिशत छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।