‘भीसीटीएस’ प्रणाली नआउने १९ कम्पनीलाई २४ लाख जरिवाना

सरकारले राजस्व चुहावट नियन्त्रणका लागि केही समय अघिमात्र सञ्चालनमा ल्याएको भेइकल एण्ड कन्साइनमेन्ट ट्रयाकिङ सिस्टम(भीसीटीएस)मा प्रविष्टि नगरी मालबस्तु ढुवानी गर्ने १९ कम्पनीलाई जरिवाना गरेको छ ।

राजस्व अनुसन्धान विभागले माघ ७ र ८ गते गरेको अनुगमन प्रतिवेदनका अनुसार विभिन्न १९ कम्पनीले भीसीटीएसमा प्रविष्ट नगरी मालबस्तु ढुवानी गरेको भेटिएपछि नगद जरिवाना गरेको हो ।

विभागले १९ कम्पनीलाई कुल २४ लाख २५ हजार रुपैयाँ जरिवाना गरेको छ । विभागका अनुसार ती कम्पनीहरुलाई राजस्व चुहावट(अनुसन्धान तथा नियन्त्रण ) ऐन २०५२ अनुसार २५ हजार देखि एक लाख रुपैयाँसम्म जरिवाना गरेको हो ।

विभागले व्यवसाय गर्ने सम्पुर्ण कम्पनी तथा संस्थाहरुले व्यवसायिक प्रयोजनका मालवस्तु ढुवानी गर्नु पुर्व सवारी र मालवस्तुको संक्षीप्त विवरण भीसीटीएस अनिवर्या प्रविष्ट गरी क्यूआर कोड भएको भीसीटीएस मेनीफेष्टो र सक्कल कागजात राखी मालसामान ओसारपसार गर्न अनुरोध गरेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।