होटलका शेयरको माग यसकारण बढ्यो, तारागाउँमा गैरआवासीय लगानीकर्ता

विश्वव्यापी महामारीको रुपमा फैलिएको कोरोना खोप बनेपछि विश्व बजारमै नै होटल तथा पर्यटन क्षेत्रका कम्पनीहरुको शेयर मूल्य बढिरहेको अवस्थामा नेपालको शेयर बजारमा पनि होटल समुहका शेयरमा लगानीकर्ताको आर्कषण थपिएको छ ।

सोमबारको शेयरबजारमा होटल समुहमा लगानीकर्ताहरुको आकर्षण देखिँदा शेयर मूल्य उच्चदरले बढेको छ । यसदिन होटल समुह ९ प्रतिशत भन्दा धेरैले उकालो लागेको छ ।

खासगरी गैरआवासीय नेपालीहरुको एक समूहले होटलहरु मध्येमा सबैभन्दा सस्तो तारागाँउ होटलको शयर उठाउँन थालेपछि सोमबार सबै होटलका शेयरको मूल्य बढेको छ । सोल्टी होटल र तारागाँउ होटलको शेयर मूल्य सर्किट लेभलमा बढ्दा ओरियन्टल होटलको पनि आठ प्रतिशत भन्दा बढीले शेयर भाउ बढेको छ ।

तारागाँउ होटलको शेयर गैरआवासीय नेपालीहरुको एक समूहले उठाईरहेको चर्चाहरु बढेपछि सोमबार सोल्टी र आरेन्टल लगायतका होटलहरुको शेयरमा पनि उच्च् खरिद चाप देखिएको छ ।

कोरोना संक्रमणका कारण ओरेन्टल र सोल्टीले गत बर्षको नाफाबाट लाभांश वितरण नगर्ने निर्णय गरे पनि तारागाँउले भने १० प्रतिशत नगद लाभांश वितरण गर्ने प्रस्ताव गरेको छ ।

कोभिड–१९ को प्रभाव न्युनिकरण हुँदै गएको र खोप समेत भित्रीएको अवस्थामा पर्यटन व्यवसायले गति लिने आशा जागेपछि लगानीकर्ताको ध्यान होटलले तानेको हो। अर्कातर्फ अन्य समुहमा राम्रो नाफा कमाएका लगानीकर्ताले पोर्टफोलियो बदल्ने क्रममा पनि होटल रोजाईमा परेको देखिन्छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।