टेलिकम सहित ६ कम्पनीको बुकक्लोज हुँदै, लाभांश पाउन बुधबारसम्म शेयरधनी बन्नुपर्ने

नेपाल टेलिकम सहित आधा दर्जन कम्पनीको आज लाभांश सुरक्षित गर्ने र साधारण सभाका लागि प्रतिनिधित्व जनाउन शेयर खरीद गर्ने अन्तिम दिन रहेको छ ।

नेपाल टेलिकम, स्वावलम्बन लघुवित्त, सिर्जना फाइनान्स, सबैको लघुवित्त, महिला सहयात्रा लघुवित्त र सिन्धु विकास बैंकले शुक्रबारदेखि आइतबारसम्म शेयरधनी दर्ता किताब बन्द गर्ने मिति (बुकक्लोज) तोकेका छन् । यसअनुसार बुकक्लोजको अघिल्लो कारोबार दिनसम्म कायम शेयरधनीले मात्र सम्बन्धीत कम्पनीको लाभांश पाउनेछन् ।

यस साताको अन्तिम कारोबार दिन बिहीबार महाशिवरात्रिको सार्वजनिक विदा परेका कारण बुधबारसम्म कायम शेयरधनीहरुले मात्र सम्बन्धीत कम्पनीले प्रस्ताव गरेको लाभांश पाउनेछन् । यसअनुसार ती कम्पनीको लाभांश पाउन तथा साधारण सभामा प्रतिनिधित्व जनाउनका लागि फागुन २६ गते बुधबारभित्र शेयरधनी कायम भैसकेको हुनुपर्छ ।

सिन्धु विकास बैंकले शेयरधनीलाई कुनैपनि लाभांश वितरण नगर्ने भएको छ भने नेशनल माइक्रोफाइनान्ससँग प्राप्ती सम्झौता गरेका कारण महिला सहयात्रा लघुवित्तको शेयर कारोबार धितोपत्र बजारमा यसहघि नै कारोबार रोक्का रहेको छ । अन्य चार कम्पनीको बुधबारसम्म कायम रहने लगानीकर्ताले प्रस्तावित लाभांश पाउनुका साथै साधारण सभामा प्रतिनिधित्व जनाउन सक्नेछन् ।

यस्तो छ सम्बन्धीत कम्पनीको लाभांश, बुकक्लोज र साधारण सभाको विवरण:-

१. नेपाल टेलिकम

लाभांशः प्रतिशेयर ४० रुपैयाँ
बुकक्लोजः फागुन २८ गते शुक्रबार
सधारण सभाः चैत १३ गते शुक्रबार (त्रिभुवन आर्मी अफिसर्स क्लबमा बिहान ११ बजे)

२. स्वावलम्बन लघुवित्त

लाभांशः १९.०१ प्रतिशत बोनस १ नगद गरी कुल २०.०१ प्रतिशत
बुकक्लोजः फागुन २८ गते शुक्रबार
सधारण सभाः चैत ११ गते बुधबार (अम्रपाली ब्यांक्वेट बालुवाटार, काठमाडौंमा बिहान ११ बजे १९ औं वार्षिक साधारण सभा आह्वान)

३. सिर्जना फाइनान्स

लाभांशः १३.५९ प्रतिशत बोनस ०.६८ नगद गरी कुल १४.२७ प्रतिशत
बुकक्लोजः चैत १ गते आइतबार
सधारण सभाः चैत १४ गते शनिबार (उद्योग संगठनको सभाकक्ष विराटनगरमा बिहान ११ बजे २० औं वार्षिक साधारण सभा आह्वान)

४. सबैको लघुवित्त

लाभांशः १०.५० प्रतिशत बोनस ०.५५ नगद गरी कुल ११.०५ प्रतिशत
बुकक्लोजः फागुन २८ गते शुक्रबार
सधारण सभाः चैत १४ गते शनिबार (मस्र्याङ्दी रिभर भ्यु रिसोर्ट, बन्दिपुर ५, तनहुँमा बिहान ११ बजे चौथो वार्षिक साधारण सभा आह्वान)

५. महिला सहयात्रा

लाभांशः १०.५० प्रतिशत बोनस ०.५५ नगद गरी कुल ११.०५ प्रतिशत
बुकक्लोजः चैत १ गते आइतबार
सधारण सभाः चैत १८ गते बुधबार (ओम अध्याय रिट्रिट रिर्सोट थाहा न।पा ६ मकवानपुरमा बिहान ११ बजे आठौँ वार्षिक साधारण सभा आह्वान)

६. सिन्धु विकास बैंक

लाभांशः शुन्य
बुकक्लोजः फागुन २८ गते शुक्रबार
साधारण सभाः चैत ९ गते सोमबार (आगन्तुक रिसोर्ट बनेपा, काभ्रेपलाञ्चोकमा आह्वान गरिएको एघारौं वार्षिक साधारण सभा आह्वान)

थप समाचारहरु:-