पछिल्लो पाँच दिनमा ११७ अंकले घट्यो शेयर बजार, सूचक २ हजार ४०० बिन्दु मुनि

शेयर बजार सूचक मापक नेप्से पछिल्लो पाँच कारोबार दिनमा ११७.४८ अंकले घटेको छ । फागुन २० गते ९० अंकले बढेर २ हजार ५०६.६८ बिन्दुमा रहेको नेप्से त्यसपछिका पाँचै कारोबार दिनमा ओरालो लागेर २ हजार ३८९.१९ बिन्दुमा झरेको हो ।

सोमबार २१२ कम्पनीका ९६ लाख ४ हजार ५२९ कित्ता शेयर ५२ हजार ३०९ पटकको कारोबारबाट ४ अर्ब २४ करोड ८४ लाख २४ हजार ६६ रुपैयाँमा खरीद बिक्री भएका छन् । सोमबार कारोबार रकममा पनि गिरावट आएको छ । आइतबार ४ अर्ब ९५ करोड २७ लाखको शेयर कारोबार भएकोमा सोमबार ७० करोड ४३ लाख रुपैयाँले कारोबार घटेको हो ।

बैंकिङ्ग प्रणालीमा अधिक तरलता रकम खुम्चिँदै जान थालेपछि ब्याजदर बढ्ने आंकलन गर्दै अल्पकालीन लगानीकर्ताहरुले शेयर बिक्री गरेर बजारबाट बाहिरिन थालेका छन् । जसले सूचकमा निरन्तर दबाबमा परेको हो ।

सोमबार कारोबारमा आएका होटल तथा टुरिजम पौने ४ प्रतिशत र ब्यापार साढे १ प्रतिशतलेृे बढ्दा लगानी, उत्पादनमुलक र म्युचुअल फण्डको सूचक सामान्य सकारात्मक रहेको छ । आठ उपसमुहको सूचक ऋणात्मक रहेको बजारमा अन्य २ प्रतिशत, निर्जीबव बीमा १.६० प्रतिशत तथा बैंकिङ्ग १ प्रतिशत बढीले घटेको छ । जीवन बीमा, फाइनान्स, लघुवित्त, विकास बैंक र जलविद्युत उपसमुहका सूचक पनि घटेका छन् ।

• निफ्राको सर्वाधिक कारोबार

सोमबारको बजारमा नेपाल इन्फ्रास्ट्रक्चर बैंक (निफ्रा) को उच्च कारोबार भएको छ । बैंकको ४३ करोड ६२ लाख २१ हजार रुपैयाँ बराबरको शेयर कारोबार भएको हो ।

यसैगरी अपर तामाकोशीको २९ करोड ८३ लाख रुपैयाँ बराबरको शेयर कारोबार हुँदा तेस्रो ठूलो कारोबार भएको नबिल बैंकको पनि १९ करोड ७१ लाख रुपैयाँको शेयर कारोबार भएको हो ।

नेपाल लाइफ, एनआईसी एशिया, नेपाल पुनर्बीमा कम्पनी, नेको इन्स्योरेन्स, ग्लोबल आइएमई बैंकको १० करोड बढीको शेयर कारोबार भएको छ । शिखर इन्स्योरेन्स र नेपाल बैंकको पनि उच्च कारोबार भएको छ ।

• चार कम्पनीको शेयरमूल्य सकारात्मक सर्किट नजिक

आजको बजारमा चन्द्रागिरी हिल्स सहित घलेम्दी हाइड्रोपावर, पञ्चकन्या माई हाइड्रोपावर, र आँखुखोला हाइड्रोपावरको शेयरमूल्य करिब १० प्रतिशतले बढोत्तरी हुादै सकारात्मक सर्किट नजिक पुगेको हो ।

यसदिन महुली सामुदायिक लघुवित्त, नेपाल हाइड्रो डेभलोपर लिमिटेड, युनियन हाइड्रोपावर, जोशी हाइड्रोपावर, हिमाल दोलखा हाइड्रोपावरको शेयर र सिटिजन्स म्युचुअल फण्ड २ को इकाईमुल्य ३ प्रतिशत धेरैले बढेको छ ।

• हिमालयन पावर पार्टनरका लगानीकर्ताले धेरै गुमाए

सोमबारको बजारबाट हिमालयन पावर पार्टनरका लगानीकर्ताले सर्वाधिक ६.२५ प्रतिशतका दरले गुमाएका छन् ।

सूर्योदय लघुवित्त, एभरेष्ट इन्स्योरेन्सको संस्थापक, प्रुडेन्सियल इन्स्योरेन्स, अरुण भ्याली, गुराँस लघुवित्त, सर्पोट माइक्रोफाइनान्स, नेपाल टेलिकम, लिवर्टी इनर्जी र आरएसडिसी लघुवित्तका शेयरधनीले ३ प्रतिशतका दरले गुमाएका छन् ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।