रमेश कर्पोरेशनद्धारा “फर्वाड टुगेदर” ट्यागलाइनको सुरुवात

नेपालको अग्रणी ब्यापारिक समुहले आफ्ना दूरदर्शी संस्थापक इमिरेट्स स्वर्गिय रमेश गुप्ताको ६३ औँ जन्मोत्सको अवसर पारेर रमेश कर्पोरेशनको नयाँ ट्यागलाइन “फर्वाड टुगेदर” को सुरुवात गरेको छ ।

पाँच दशअघि हार्डवेयर व्यवसायबाट प्रारम्भ भएको रमेश कर्पोरेशनले गुप्ताको विरासतलाई आत्ससाथ र सम्मान गर्न उनले देखेका भविष्य एवं दृष्टिलाई नयाँ ब्राण्ड, पहचिान एवं नवीन टगलाइन “फर्वाड टुगेदर” को प्रारम्भ गरेको हो ।

कार्यक्रममा बोल्दै कर्पोरेशनका उपाध्यक्ष सुशील गुप्ताले फर्वाड टुगेदरको दर्शनको साथ नयाँ उचाइमा पुग्न उत्कष्ट प्रणालीको स्थापना गरिएको बताए । उनले भनेः “हाम्रो यो नयाँ सुरुवात हामी सबैका लागि वास्तवमै विशेष हो । किनभने यसले हाम्रो ब्रान्डको विकासको महत्वपूर्ण चरणलाई प्रतिनिधित्व समेत गरेको छ । हामीले हामी को हौँ भन्ने कुरालाई हाम्रा बुबाको दर्शन एवं सिद्धान्तहरुलाई आत्मसाथ गर्दै उहाँको दृष्टिलाई आधार मानेर भविष्यलाई आकार दिइरहेका छौं ”

प्रारम्भदेखि आयात र ट्रेडिङ व्यवसाय, दूरसञ्चार र सूचना प्रविधिमा विविध पक्षहरु मार्फत आफ्नो उपस्थिति जनाउँदै आएको कर्पोरेशनले हाल उत्पादन, वित्तीय सेवा, रियलस्टेट, कन्जुमर ड्युरेवल्स, हाइड्रोपावर, माइनिङ जस्ता कम्पनीहरुलाई आफ्नो संगठन अन्तर्गत समावेश गर्दै आएको छ ।

रमेश कर्पोरेशन अन्तर्गत टेलिटक, टेलिडाइरेक्ट, टेलिनेट, सस्तोडिल, बलेफी हाइड्रोपावर, डोल्सिन मिनरल्स, मिजु कन्ट्रक्सन प्रालि लगायतका कम्पनीहरु रहेका छन् ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।