मिर्मिरेको एफपीओ निष्काशन गर्ने प्रस्ताव पारित, शेयरधनीलाई ३.६४ करोडको बोनस

मिर्मिरे लघुवित्त वित्तीय संस्था लिमिटेड (MMFDB) को बुधबार सम्पन्न १० औं वार्षिक साधारण सभाबाट थप नयाँ साधारण शेयर (एफपीओ) निष्काशन गर्ने प्रस्ताव पनि पारित गरेको छ ।

यसअघि स्वेडा लघुवित्त वित्तीय संस्थालाई प्राप्ति गरेर एकीकृत कारोबार थालेको यस लघुवित्तले संस्थापक र सर्वसाधारण शेयर पूँजीको अनुपात मिलाउनका लागि एफपीओ जारी गर्ने प्रस्ताव पारित गरेको हो ।

यसैगरी सञ्चालक समितिले गत आर्थिक वर्ष २०७६/७७ को नाफाबाट प्रस्ताव गरे बमोजिम शेयरधनीलाई चुक्ता पूँजी ३९ करोड ६१ लाख ४६ हजार ६४१ रुपैयाँको ९.१९ प्रतिशतले हुन आउने ९३ करोड ६४ लाख ४४ हजार ८३५ रुपैयाँ बराबरको बोनस शेयर र सोको कर प्रयोजनका लागि ०.४८ प्रतिशत अर्थात ९ लाख १३ हजार १६५ रुपैयाँ नगद लाभांश वितरण गर्ने विशेष प्रस्ताव पारित सभाले पारित गरेको छ ।

यस्तै सभाले मिर्मिरे लघुवित्त तथा अन्य उपयुक्त लघुवित्त वित्तीय संस्थासँग मर्जर अथवा एक्विजिशन सम्बन्धि सम्पूर्ण कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिएको छ ।

यसका अलवा पूँजीवृद्धि तथा प्रबन्धपत्र तथा नियमावली संसोधन, जग्गा खरीद अनुमोदन र भवन निमार्ण गर्ने, गत आवको वार्षिक प्रतिवेदन, वासलात, नाफा नोक्सान, लेखापरीक्षक नियुक्ती, पारिश्रमिक निर्धारण र प्रबन्धपत्र तथा नियमावलीमा नियमनकारी निकायबाट निर्देशन भए बमोजिम संसोधन गर्न सञ्चालक समितिलाई अख्तियारी प्रदान गर्ने लगायतका एजेण्डा पनि पारित भएको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।