ब्रिटिश गुणस्तर र विश्वासको प्रतीक ‘गुडम्यान्स’ अब नेपाली बजारमा

काठमाडौँ । सीजी ग्रुपअन्तर्गत सीजी इलेक्ट्रोनिक्सले बेलायती ब्राण्ड गुडम्यान्स भित्र्याएको छ। सन् १९२३ देखि अडियो तथा इलेक्ट्रोनिक्स क्षेत्रमा आफ्नो छुट्टै पहिचान बनाउँदै आएको बेलायती ब्राण्ड गुडम्यान्स अब नेपाली उपभोक्तामाझ आधुनिक तथा गुणस्तरीय इलेक्ट्रोनिक्स उत्पादनसहित उपस्थित भएको छ।

गुडम्यान्सले सुरुवात अडियो स्पिकर उत्पादनबाट गरेको भए पनि आज यो विश्वव्यापी रूपमा विभिन्न इलेक्ट्रोनिक्स तथा होम अप्लायन्स उत्पादनहरूको विश्वसनीय ब्राण्डको रूपमा स्थापित भइसकेको छ। उच्च गुणस्तर, आकर्षक डिजाइन र किफायती मूल्यलाई प्राथमिकता दिँदै आएको गुडम्यान्सले विश्वका विभिन्न देशहरूमा आफ्नो सफल उपस्थिति विस्तार गरिसकेको छ।

ब्राण्डले राइस कुकर, केटल, आइरन, ब्लेन्डर तथा जुस एक्स्ट्र्याक्टर, स्टिक ब्लेन्डर तथा ह्यान्ड मिक्सर, कफी मेकर, टोस्टर तथा स्यान्डविच मेकर, पर्सनल केयर र अडियो जस्ता उपकरणलगायतका विविध उत्पादनहरू बजारमा उपलब्ध गराउँदै आएको छ।

आधुनिक जीवनशैलीलाई सहज, स्मार्ट र सुविधाजनक बनाउने उद्देश्यसहित गुडम्यान्सले नयाँ प्रविधिमा आधारित उत्पादनहरू विकास गर्दै आएको जनाएको छ।

गुडम्यान्सले आफ्ना उत्पादनमार्फत उपभोक्तालाई गुणस्तरीय अनुभव प्रदान गर्नुका साथै दीर्घकालीन विश्वास निर्माण गर्ने लक्ष्य राखेको छ। नेपाली बजारमा पनि अन्तर्राष्ट्रिय स्तरको प्रविधि तथा उत्कृष्ट सेवा उपलब्ध गराउने प्रतिबद्धता कम्पनीले व्यक्त गरेको छ।

विश्व बजारमा स्थापित ब्राण्डको रूपमा रहेको गुडम्यान्सले नेपाली उपभोक्ताको आवश्यकता र चाहनालाई मध्यनजर गर्दै नवीनतम प्रविधियुक्त तथा उपयोगी उत्पादनहरू निरन्तर बजारमा ल्याउने योजना बनाएको छ।