सानिमा लाइफको आइपीओलाई ‘ट्रिपल बि माइनस रेटिङ’

सानिमा लाइफ इन्स्योरेन्सले निष्काशन गर्न लागेको प्राथमिक शेयर (आइपीओ) लाई केयर रेटिङ नेपालले ‘ट्रिपल बि माइनस रेटिङ’ दिएको छ ।

इन्स्योरेन्सले सर्वसाधारणमा प्रतिकित्ता १०० रुपैयाँका दरले ६० लाख कित्ता अर्थात ६० करोड रुपैयाँ बराबरको आइपीओ जारी गर्नका लागि केयर रेटिङ नेपालबाट क्रेडिट रेटिङ्ग गराएको हो । केयर रेटिङ नेपालले दिएको ’ट्रिपल बि माइनस रेटिङ्ग’ ले कम्पनीको आधारभुत अवस्था मध्यम रहेको संकेत गर्दछ ।

इन्स्योरेन्सले आइपीओ निष्काशनका लागि बिक्री प्रबन्धकमा प्रभु क्यापिटललाई नियुक्त गरिसकेको छ । आइपीओ निष्काशन गर्न इन्स्योरेन्सले धितोपत्र बोर्डमा आवेदन दिन भने बाँकी छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।