सुनको भाउ बढ्दा चाँदीमा सामान्य गिरावट

काठमाडौँ । बिहीबार सुनको भाउ बढ्दा चाँदीमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार आज सुन तोलामा ८०० रुपैयाँले बढेको हो ।

बिहीबार सुन प्रतितोला २ लाख ८४ हजार रुपैयाँ कायम भएको छ । बुधबार सुन प्रतितोला २ लाख ८३ हजार २०० रुपैयाँमा कारोबार भएको थियो ।

यता, बिहीबार चाँदी तोलामा १० रुपैयाँले घटेसँगै प्रतितोला ४ हजार ३१० रुपैयाँ कायम भएको छ । बुधबार चाँदी प्रतितोला ४ हजार ३२० रुपैयाँमा कारोबार भएको थियो ।

नेपालमा अन्तर्राष्ट्रिय बजारका आधारमा सुनचाँदीको मूल्य निर्धारण गर्ने गरिएको छ ।

बिहीबार अन्तर्राष्ट्रिय बजारमा सुन प्रतिऔंस ४ हजार ०४५.३ अमेरिकी डलर र चाँदी ५७.१२ अमेरिकी डलरमा कारोबार भइरहेको छ ।