ह्युन्डाईको ‘मेड इन नेपाल’ भेन्यू र भेन्यू एन लाइन सार्वजनिक

काठमाडौँ । नेपालमा ह्युन्डाई गाडीको आधिकारिक वितरक लक्ष्मी इन्टरकन्टिनेन्टल प्रा.लि. ले नयाँ ह्युन्डाई नेपालद्वारा ‘मेड इन नेपाल भेन्यु र भेन्यु एन लाइन’ सार्वजनिक सार्वजनिक गरेको छ। नयाँ डिजाइन, उन्नत प्रविधि, उत्कृष्ट प्रदर्शन र सुरक्षासहित नयाँ भेन्युले कम्प्याक्ट एसयूभी सेग्मेन्टमा नयाँ अनुभव प्रदान गर्दछ।

मेड इन नेपाल भेन्युसशक्त र आकर्षक एसयूभी डिजाइनसहित प्रस्तुत गरिएको छ। यसमा ट्विन हर्न एलईडी डीआरएलएस, होरिजन एलईडी रियर ल्याम्प, पावर्ड टिल्ट एन्ड स्लाइड सनरुफ, १०.२५–इन्च इन्फोटेनमेन्ट डिस्प्ले र ६ वटा एयरब्याग रहेका छन्। यो १.२–लिटर र १.०–लिटर टर्बो पेट्रोल इन्जिन विकल्पमा उपलब्ध छ, जसले आरामदायी ड्राइभिङ, दक्षता र उत्कृष्ट प्रदर्शन प्रदान गर्दछ।

त्यस्तै, भेन्यु एन लाइनले भेन्युलाइनअपमा थप स्पोर्टी र विशिष्ट शैली प्रस्तुत गर्दछ। यसमा एन(ब्रान्डेड सिट, एन–ब्रान्डेड एलोइ ह्वील, सिग्नेचर रेड हाइलाइट्स सहितको बडी कलर क्लाडिङ तथा विशिष्ट एन लाइन स्टाइलिङ इलिमेन्ट्स रहेका छन्। यसको स्पोर्टी डिजाइनले भेन्युको प्रविधि, आराम र व्यावहारिकतालाई कायम राख्दै थप गतिशील अनुभव प्रदान गर्छ।

मेड इन नेपाल भेन्युको सुरुवाती मूल्य ४८ लाख ९६ हजार रुपैयाँ रहेको छ र यो एचएक्स २ (१ हजार १९७सीसी पेट्रोल), एचएक्स ५ं (१ हजार १९७सीसी पेट्रोल) र एचएक्स ५ डीसीटी (९९८सीसी पेट्रोल) गरी तीन भेरियन्टमा उपलब्ध छ। त्यस्तै, भेन्यु एन लाइनको सुरुवाती मूल्य ६७ लाख ९६ हजार रुपैयाँ रहेको छ।

मेड इन नेपाल ह्युन्डाइ भेन्युर भेन्यु एन लाइन नेपालभरका ह्युन्डाई शोरुमहरूमा उपलब्ध छन्। ग्राहकहरूले आफ्नो नजिकको ह्युन्डाई शोरुममा गई नयाँ लाइनअपबारे थप जानकारी लिन तथा नयाँ भेन्युको डिजाइन, प्रविधि र ड्राइभिङ अनुभव प्रत्यक्ष रूपमा अनुभव गर्न सक्नेछन्।