नेप्सेमा रेकर्ड कायम हुँदा २० कम्पनीको शेयरधनी बने मालामाल, कसले खायो घाटा ?

शेयर बजारमा जेठ १३ गते बिहीबार १४ अर्ब ७६ करोडको शेयर कारोबार भई रकममा नयाँ ऐतिहासिक रेकर्ड कायम भएको छ । बिहीबारको बजारमा हालसम्मकै धेरै अर्थात २० कम्पनीको शेयरको मूल्यमा सर्किट लागेर बढेको छ भने राष्ट्र बैंकको नीतिगत कारणले लघुवित्त कम्पनीहरुको शेयरमूल्य भने घटेका छन् ।

यसदिन २० कम्पनीको शेयरमा लगानी गरेका लगानीकर्ताहरु मालामाल भएका छन् । यसदिन २० कम्पनीको शेयरमूल्य करिब १० प्रतिशतले बढेर सर्किट लागेको छ भने समता लघुवित्त र मेरो माइक्रोफाइनान्सको शेयरमूल्य ५ प्रतिशत बढीले घटेको छ ।

हेरौं सर्किट लाग्ने २० कम्पनी

आजको बजारमा नेपाल हाइड्रो डेभलपर्स, युनाइटेड मोदी हाइड्रोपावर, खानीखोला हाइड्रोपावरको मूल्य १० प्रतिशतले बढेको छ ।

यसैगरी अरुण कावेली पावर ९.९८, रसुवागढी हाइड्रोपावर कम्पनी ९.९७, जोशी हाइड्रोपावर डेभलपमेन्ट कम्पनी ९.९६, अपि पावर कम्पनी ९.९४, दिब्यश्वरी हाइड्रोपावर ९.९१, राधी विद्युत कम्पनी ९.९१, शिव श्री हाइड्रोपावर ९.९०, हिमाल दोलखा हाइड्रोपावर कम्पनी ९.८७, सानिमा माई हाइड्रोपावर ९.८६, पञ्चकन्यामाई हाईड्रोपावर ९.८३, नेशनल हाईड्रोपावर कम्पनी ९.८१, बुटवल पावर कम्पनी ९.८१, युनियन हाइड्रोपावर ९.७९, घलेम्दी हाइड्रो ९.७२, युनिभर्सल पावर कम्पनी ९.६८, आँखुखोला जलविद्युत कम्पनी ९.६६ र माउन्टेन हाइड्रो नेपाल लिमिटेडको शेयरमा लगानी गरेकाले ९.२३ प्रतिशले नाफा कमाएका छन् ।

लघुवित्तका लगानीकर्ता घाटामा: समता घरेलु र मेरो माइक्रोफाइनान्सको शेयरधनीले उच्च गुमाए

यता बिहीबारको बजारमा समता घरेलु लघुवित्त वित्तीय संस्थाको ५.२३ प्रतिशत र मेरो माइक्रोफाइनान्सको ५.०६ प्रतिशतले मुल्य घटेको छ ।

यसैगरी एनएमबि माइक्रोफाइनान्स वित्तीय संस्था ४.८४, एनआईसी एशिया लघुवित्त वित्तीय संस्था ४.८४, नेरुडे लघुवित्त ४.७३, सूर्योदय लघुवित्त वित्तीय संस्था ४.६९, सिभिल लघुवित्त वित्तीय संस्था ४.५५, आरम्भ चौतारी लघुवित्त वित्तीय संस्था ४.५०, ग्रामीण विकास लघुवित्त वित्तीय संस्था ४.४४, गणपती माइक्रोफाइनान्स वित्तीय संस्थाको शेयरमूल्यमा ४.४४ प्रतिशतले गिरावट आएको छ ।

यसैगरी किसान लघुवित्त, सबैको लघुवित्त, गुराँस लघुवित्त, मिर्मिरे लघुवित्त, वोमी लघुवित्त, र फस्ट माइक्रोफाइनान्सको शेयरमा लगानी गरकाले लगानीकर्ताले पनि बिहीबारको बजारबाट ४ प्रतिशत धेरैले नोक्सानी ब्यहोरेका छन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।