अरुण भ्याली हाइड्रोको ४ लाख ३५ हजार बढी कित्ता शेयर लिलामीमा आउने

अरुण भ्याली हाइड्रोपावरले ४ लाख ३५ हजार बढी कित्ता शेयर लिलामी बिक्री गर्ने भएको छ ।

कम्पनीले असार ९ गतेदेखि हकप्रदमा अवितरित सर्वसाधारण समूहतर्फको ४ लाख ३५ हजार ८९४ कित्ता शेयर लिलामी प्रकृयाबाट विक्री गर्न लागेको हो । कम्पनीले गत वैसाख ६ देखि जेठ २ गतेसम्म हकप्रद विक्री खुला गरेको थियो ।

उक्त शेयर खरीदका लागि असार १६ गतेसम्म गोप्य शिलबन्दी बोलपत्र पेश गर्न सकिनेछ । यो शेयरको न्यूनतम मूल्य एक सय रुपैयाँ तोकिएकाले सो वा सोभन्दा बढी मूल्य अंकित गरी बोलकबोल गर्नुपर्नेछ ।

उक्त शेयरमा बोलपत्र पेश गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । शेयर विक्री प्रबन्धकमा मुक्तिनाथ क्यापिटल लिमिटेड रहेको छ ।

बोलपत्र विक्री प्रबन्धकसँगै मुक्तिनाथ विकास बैंकका शाखा कार्यालय भक्तपुर, कुमारीपाटी, नागढुंगा, नारायणगढ, सुर्खेत, नेपालगञ्ज, धनगढी र जनकपुर साथै अरुण भ्याली हाइड्रोपावर डेभलपमेण्ट कम्पनी थापाथली, काठमाडौंमा प्राप्त गर्न र पेश गर्न सकिनेछ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।