जनता बैंकले ३४ प्रतिशतले बढायो खुद नाफा, खराब कर्जा घट्यो, ईपीएसमा सुधार

जनता बैंकले गत आर्थिक वर्षमा एक अर्ब ३४ करोड रुपैयाँ नाफा गरेको छ।

बैंकले अघिल्लो आर्थिक वर्षको तुलनामा ३४ प्रतिशतले नाफा बढाएको हो । अघिल्लो वर्ष बैंकले १ अर्ब २७ लाख रुपैयाँ नाफा गरेको थियो ।

बैंकको वितरण योग्य नाफा ९७ करोड ७२ लाख रुपैयाँ छ । यसबाट बैंकले सेयरधनीलाई १२.१५ प्रतिशतसम्म लाभांश दिन सक्छ ।

७६ अर्ब एक करोड रुपैयाँ निक्षेप उठाएको बैंकले ६६ अर्ब ८४ करोड रुपैयाँ कर्जा लगानी गरेको छ । जसबाट बैंकले तीन अर्ब ४१ करोड रुपैयाँमा खुद ब्याज आम्दानी गरेको छ । बैंकको खुद ब्याज आम्दानी र सञ्चालन नाफा क्रमशः ४२.२६ प्रतिशत र ५१.०६ प्रतिशतले बढाएको छ । जसको कारण नाफा बढ्नलाई सहयोग पुगेको हो ।

चुक्ता पूँजी ८ अर्ब रुपैयाँ छ भने जगेडा कोषमा एक अर्ब ७० करोड रुपैयाँ जम्मा गरेको छ। बैंकको प्रतिशेयर आम्दानी १६ रुपैयाँ ८१ पैसा पुगेको छ। 

पूँजीकोष अनुपात १३.३३ प्रतिशत छ भने खराव कर्जा केहि सुधार गर्दै १.११ प्रतिशतमा झारेको छ। बैंकको आधारदर ९.९५ प्रतिशत छ भने कर्जा निक्षेप अनुपात ७७.३४ प्रतिशत रहेको छ । नेटवर्थ १३३ रुपैयाँ ५४ पैसा छ ।

जनताले ग्लोबल आइएमई बैंकसँग मर्जमा जाने सहमति पत्रमा हस्ताक्षर गरिसकेको छ ।