सामाजिक सुरक्षा कोषले ८ प्रतिशत प्रतिफल वितरण गर्ने

सामाजिक सुरक्षा कोषले कोषका योगदानकर्तालाई ८ प्रतिशत प्रतिफल वितरण गर्ने निर्णय गरेको छ ।

कोषले २०७६/०७७ भित्र सुचिकृत योगदानकर्ता कोषको आव २०७६/७७ को वृद्धाअवस्था सुरक्षा योजना अन्र्तगतको संकलित योगदान रकमको प्रतिफलबाट प्राप्त रकम सम्बन्धित योगदानकर्ताको सामाजिक सुरक्षा खतामा यथाशक्य जम्मा गर्ने निर्णय गरेको जानकारी दिएको छ 

कोषले ३ करोड ८० लाख १५ हजार ६९८ वितरण योग्य रकमलाई कोषको सम्बन्धीत योग्दानकर्ताको योगदान रकम दाखिला भएको आधारमा ८ प्रतिशत प्रतिफल वितरण गर्ने निर्णय गरेको हो।

सामाजिक सुरक्षा कोषले सञ्चालन गर्ने योगदानमा आधारित सामाजिक सुरक्षा योजनामा आबद्ध हुनका लागि २०७५ कात्र्तिक २६ गते राजपत्रमा सूचना प्रकाशित गरि २०७६ श्रावण १ गतेबाट निरन्तर योगदान रकम संकलन गरिरहेको छ।

हालसम्म कोषमा १४ हजार ५८० रुपैयाँ रोजगारदाता र २ लाख ५१ हजार २९२ योगदानकर्ताबाट ६ अर्ब ३९ करोड ३५ लाख योगदान रकम संकलन भएको छ ।

कोषले सञ्चालन गर्ने औषधी, उपचार स्वास्थ्य तथा मातृत्व सुरक्षा योजनामा २ हजार ४७ योगदानकर्तालाई ३ करोड ९१ लाख, दुर्घटना तथा अशत्त योजनामा ९१ योगदानकर्तालाई २६ लाख ९१ हजार, आश्रित परिवार सुरक्षा योजनामा ४१ आश्रीत परिवारलाई ४८ लाख ३ हजार र बृद्धावस्था सुरक्षा योजनामा ८७४ योगदानकर्तालाई ६ करोड ९७ लाख गरि कुल ११ करोड ६२ लाख रकम कोषबशाट दाबी भुक्तनी भएको जनाएको छ ।

२०७७ माघ २९ गते सामाजिक सुरक्षा योजना सञ्चालन कार्यविधिको दोस्रो संशोधन भए पश्चात यस कार्यक्रम प्रति आमरोजगारदााता तथा श्रमिकहरुमा थप उत्सुकता पैदा भएको काषले महसुस गरेको उल्लेख गरेको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।