नेप्से करिब १०० अंकले बढ्दा कुन कम्पनीका लगानीकर्ताले कमाए, कसले गुमाए ?

आइतबार नेप्से ३.३७ प्रतिशत अर्थात ९७. २१ अंकले बढेर २९८०.६१ अंकमा पुगेको छ ।

दिनभर २२१ कम्पनीका २ करोड ८८ लाख ६३ हजार ९३ कित्ता शेयर ११ अर्ब ६३ करोडमा खरीद बिक्री भएका छन् । यसदिन कारोेबारमा आएको सबै १३ वटै समुहमा हरियाली छाएको छ । बैंकिङ्गले लिड गरेको आजको बजारमा बैंकिङ्ग ४.६७ प्रतिशत, विकास बैंक ४.९८ प्रतिशतले बढेको छ भने जीवन बीमा, लघुवित्त, म्युचुअल फण्ड निर्जीवन बीमाको सूचक ३ प्रतिशतभन्दा धेरैले बढेको छ ।

आइतबार कारोबारबाट समृद्धि फाइनान्स, सिन्धु विकास बैंक, ङादी ग्रुप पावर, हिमालय पावर, सिंगटी हाइड्रोपावरको शेयरमा लगानी गरेकाले १० प्रतिशतका दरले नाफा कमाएका छन् ।

त्यस्तै सिद्धार्थ बैंकका लगानीकर्ताले ८ प्रतिशत भन्दा धेरै नाफा कमाउँदा महालक्ष्मी विकास बैंक, एक्सेल डेभलोमेनट बैंक, पञ्चथर पावर कम्पेन्ट, एन आई सी एशिया बैंकले ७ प्रतिशत भन्दा धेरै नाफा कमाएका छन् ।

त्यसैगरी आज सबैभन्दा धेरै एनआईविएल समृद्धि फण्ड २ का इकाइधनीले सबैभन्दा धेरै गुमाएका छन् । फन्डको मूल्य ५.३७ प्रतिशतले घटेको हो । त्यसैगरी १२ प्रतिशत गुडविल फाइनान्सल लिमिडेड डिबेञ्चरले ३ प्रतिशत, १०.२५ प्रतिशत ग्लोबल आईएमई बैंक डिबेन्चर, कुमारी इक्वीटी फन्ड, ८.५ प्रतिशत एसबिएल डिबेन्चरले २ प्रतिशत, १०.३५ प्रतिशत कृषि विकास बैंक डिवेन्चर, ११ प्रतिशत एनआईसी एशिया डिबेञ्चर २०८२/८३ को मूल्य २ प्रतिशतभन्दा धेरै घटेको छ ।

यस्तै १० प्रतिशत सनराइज डिबेन्चर, सानिमा लार्ज क्याप फन्ड र मल्टिपपर्स फाइनान्सका लगानीकर्ताले करिब २ प्रतिशतले गुमाएका छन् ।

आइतबार मञ्जुश्री फाइनान्सको सबैभन्दा धेरै ४१ करोड रुपैयाँ बराबरको शेयर कारोबारमा आएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।