फस्ट माइक्रोफाइनान्स (FMDBL) ले गत आव २०७७/७८ को नाफाबाट लाभांश घोषणा गरेको छ ।
शनिबार सम्पन्न सञ्चालक समितिको बैठकले चुक्ता पूँजीको १० प्रतिशत बोनस शेयर र कर प्रयोजनका लागि ०.५३ प्रतिशत नगद गरी कुल १०.५३ प्रतिशत लाभांश वितरण गर्ने प्रस्ताव गरिएको हो ।
कम्पनीले चुक्ता पूँजीको १०.५३ प्रतिशतले हुन आउने ९ करोड २२ लाख ९६ हजार रुपैयाँ लाभांश वितरण गर्ने प्रस्ताव गरेको हो । आर्थिक वर्ष २०७६/७७ को मुनाफाबाट कम्पनीले ९.५० प्रतिशत बोनस शेयर र ४.१८ प्रतिशत नगद गरी १३.६८ प्रतिशत लाभांश वितरण गरेको थियो ।
कम्पनीले हाल कायाम चुक्ता पूँजीको १० प्रतिशतले हुन आउने ८ करोड ७६ लाख ८१ हजार २ सय रुपैयाँ बराबरको बोनस शेयर र कर प्रयोजनको लागि ०.५३ प्रतिशतले हुन आउने ४६ लाख १४ हजार ८ सय रुपैयाँ नगद लाभांश वितरण गर्ने प्रस्ताव गरेको हो ।
कम्पनीको प्रस्ताव गरेको उक्त लाभांश नेपाल राष्ट्र बैंकले स्वीकृति प्रदान गरेपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा बितरण हुनेछ ।
हाल कम्पनीको चुक्ता पूँजी ८७ करोड ६८ लाख ११ हजार २०० रुपैयाँ छ । बोनस शेयर वितरणपछि लघुवित्तको चुक्ता पूँजी ९६ करोड ४४ लाख ९२ हजार ३२० रुपैयाँ पुग्नेछ ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया