जीवन बीमा कम्पनीद्धारा दुई महिनामा २८ अर्ब बीमाशुल्क संकलन, राष्ट्रिय बीमा संस्थान दोस्रो ठूलो

जीवन बीमा कम्पनीले चालु आर्थिक वर्षको २ महिना अर्थात भदौ मसान्तसम्ममा २८ अर्ब १५ करोड रुपैयाँ कुल बीमाशुल्क संकलन गरेका छन् ।

यस अवधिमा जीवन बीमा कम्पनीहरुले २१ अर्ब ५७ करोड नविकरण बीमाशुल्क, ६ अर्ब ३८ करोड प्रथम बीमाशुल्क र २० करोड वैदेशिक रोजगार बीमाशुल्क संकलन गरेका हुन् ।

बीमाशुल्क संकलनका आधारमा नेपाल लाइफले सर्वाधिक ७ अर्ब ६२ करोड रुपैयाँ संकलन गरेको छ । नेपाल लाइफले संकलन गरेको यो कुल बीमाशुल्क रकम कुल रकमको २७ प्रतिशत हो ।

जीवन बीमा कम्पनीद्धारा दुई महिनामा ६.३८ अर्बको नयाँ व्यवसाय विस्तार

नेपाल लाइफपछि राष्ट्रिय बीमा संस्थान दोस्रो ठूलो बीमाशुल्क संकलन गरेको छ । संस्थानले दुई महिनामा ४ अर्ब ३४ करोड बीमाशुल्क संकलन गरेको हो । यसैगरी लाइफ इन्स्यारेन्स कर्पोरेन्स नेपालले ३ अर्ब ३६ करोड, नेशनल लाइफले २ अर्ब ४१ करोड, युनियन लाइफले १ अर्ब ३५ करोड र एशियन लाइफले १ अर्ब ५ करोड रुपैयाँ कुल बीमाशुल्क संकलन गरेको छ ।

अन्य दश जीवन बीमा कम्पनीहरुले ५१ करोडदेखि १ अर्बको बीचमा बीमाशुल्क संकलन गरेका छन् । सिटिजन लाइफले ९६ करोड, मेट लाइफले ९३ करोड, सूर्या लाइफ ८३ करोड, प्राइम लाइफ ७८ करोड, रिलायबल नेपाल लाइफ ६६ करोड, , गुराँस लाइफ ६४ करोड, सन नेपाल लाइफ ६० करोड, आइएमई लाइफ ५९ करोड, ज्योति लाइफ ५५ करोड र रिलायन्स लाइफले ५१ करोड बीमाशुल्क संकलन गरेको छ ।

यस अवधिमा महालक्ष्मीलाइफले सबैभन्दा कम २० करोड रुपैयाँ कुल बीमाशुल्क संकलन गरेको छ भने सानिमा लाइफले ३२ करोड तथा प्रभु लाइफले ४५ करोड रुपैयाँ कुल बीमाशुल्क संकलन गरेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।