ज्योति लाइफले ६६ करोडको आईपिओ पारित गर्न बोलायो साधारण सभा

ज्योति लाइफ इन्स्योरेन्सले ६६ करोडको आईपिओ जारी गर्ने लगायतका प्रस्ताव पारित गर्न असोज १२ गते पोखरामा साधारण सभा आह्वान गरेको हो।

हाल १ अर्ब ५४ करोड चुक्तापूँजी रहेको ज्योति लाइफले ६६ करोड रुपैंया बराबरको ६६ लाख कित्ता आईपिओ जारी गर्नेछ । आईपिओ जारी गरेपछि कम्पनीको चुक्ता पूँजी २ अर्ब २० करोड पुग्नेछ । साथै कम्पनीमा संस्थापक र सर्वसाधारण समूहको शेयर हिस्सा ७०ः३० कायम हुने छ ।

साधारणसभाले कम्पनीको प्रतिवेदन पारित गर्ने, वित्तीय विवरण छलफल गरि पारित गर्ने, लेखापरिक्षकको नियुक्त तथा निजको पारिश्रमिक तोक्ने प्रस्तावहरु पनि पारित गर्नेछ ।

त्यसैगरी, कम्पनीको प्रबन्धपत्र र नियमावलीमा आवश्यक संशोधन गर्ने, र संचालक समिति तथा उप समितिका सदस्यहरुको बैठक भत्ता र अन्य सुविधाहरु पुनरावलोकन गर्ने लगायत प्रस्तावहरु रहेका छन् ।