पोखरा फाइनान्सको नाफा १३ लाख, प्रतिशेयर आम्दानी ५४ पैसा

पोखरा फाइनान्स लिमिटेड (PFL) ले चालु आर्थिक वर्षको पहिलो त्रैमाससम्ममा १२ लाख ९७ हजार रुपैयाँ खुद नाफा आर्जन गरेर वार्षिक प्रतिशेयर आम्दानी ५४ पैसा कायम गरेको छ ।

चुक्ता पूँजी ९६ करोड ३१ लाख ४५ हजार रहेको फाइनान्सको इपिएस गत आवको तुलनामा १८ पैसा बढेको हो ।
न्यून नाफाका कारण फाइनान्सको मूल्य आम्दानी अनुपात १०९२ गुणा पुगेको छ भने प्रतिशेयर नेटवर्थ १४०.८४ रुपैयाँ छ । फाइनान्सको जगेडा कोषमा ३० करोड ९४ करोड र शेयरधनी कोषमा ८ करोड ३८ लाख रुपैयाँ रहेको छ ।

गत आर्थिक वर्षको यसै अवधिसम्ममा फाइनान्सले ८ लाख ३१ हजार रुपैयाँ खुद नाफा कमाएको थियो । असोज मसान्तसम्ममा फाइनान्सको वितरण योग्य मुनाफा ८ करोड ३८ लाख रुपैयाँ रहेको छ ।

असोजसम्ममा फाइनान्सले ९ अर्ब ९ करोड ८३ लाख निक्षेप संकलन गरी ६ अर्ब ८१ करोड ९५ लाख रुपैयाँ कर्जा लगानी गरेको छ । समीक्षा अवधिमा निक्षेप १.२४ प्रतिशत र कर्जा १६.४७ प्रतिशत बढेको हो ।

समीक्षा अवधिमा खुद ब्याज आम्दानी २२।९७ प्रतिशत बढेर १ करोड ४८ लाख ५० हजार र सञ्चालन नाफा ५६.११ प्रतिशत बढेर १८ लाख ५३ हजार रहेको छ ।

फाइनान्सको खराब कर्जा २.०७, कोषको लागत ६.२३, र आधार ब्याजदर ८.४७ प्रतिशत छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।