सनराईज बैंक लिमिटेड (SRBL) ले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई वितरण गर्ने लाभांश घोषणा गरेको छ ।
बैंकको कार्तिक २२ गते, सोमबार सम्पन्न सञ्चालक समितिको बैठकले चुक्ता पूँजीको ६.६५ प्रतिशत बोनस शेयर र ०.३५ प्रतिशत नगद लाभांश गरी कुल ७ प्रतिशत लाभांश वितरणको प्रस्ताव गरेको हो ।
सञ्चालक समितिको बैठकबाट प्रस्तावित उक्त लाभांश राष्ट्र बैंकको स्वीकृत भई र बैंकको आगामी साधारण सभाबाट पारित भएपछि मात्र लगानीकर्तामा वितरण हुनेछ ।
सनराइज बैंकको लाभांश अघिल्लो आवको तुलनामा घटेपछि लगानीकर्ता निराश बनेका छन् । अघिल्लोआव २०७६/७७ बाट बैंकले ५.८० प्रतिशत बोनस र २.४८ प्रतिशत नगद गरी ८.२८ प्रतिशत लाभांश वितरण गरेकोे थियो । समीक्षा वर्षमा १.२८ प्रतिशत कम लाभांश प्रस्ताव गरेको हो, यद्यपी बैंकको नगद लाभांश घटेपछि बोनस अनुपात भने अघिल्लो वर्षभन्दा ०.८५ प्रतिशत बढेको छ ।
बैंकले आव २०७७/७८ बाट प्रस्ताव गरेको लाभांश विगत आठ वर्ष यता कै न्यून हो । बैंकले आव २०६७।६८ मा ४ प्रतिशत नगद लाभांश बाँडेयता त्यति थोरै लाभांश वितरण गरेको थिएन ।
| S.N. | Fiscal Year | Bonus Dividend(%) | Cash Dividend(%) | Total Dividend(%) |
| 1 | 2077/2078 | 6.65 | 0.35 | 7.00 |
| 2 | 2076/2077 | 5.80 | 2.48 | 8.28 |
| 3 | 2075/2076 | 10.00 | 5.80 | 15.80 |
| 4 | 2074/2075 | 0.00 | 11.50 | 11.50 |
| 5 | 2073/2074 | 15.00 | 0.00 | 15.00 |
| 6 | 2072/2073 | 33.33 | 0.00 | 33.33 |
| 7 | 2071/2072 | 21.50 | 1.13 | 22.63 |
| 8 | 2069/2070 | 11.00 | 0.00 | 11.00 |
| 9 | 2068/2069 | 0.00 | 5.26 | 5.26 |
| 10 | 2067/2068 | 0.00 | 4.00 | 4.00 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया