घटेको बजारमा कुन कम्पनीको शेयर लगानीकर्ताले कमाए, कसले गुमाए ?

साताको अन्तिम शेयर कारोबार दिन बिहीबार नेप्से ५९.५७ अंकले घटेर २ हजार ७०० बिन्दुमुनी झरेको छ । सूचक घटेसँगै नेप्से २ हजार ६९० दशमलव २९ बिन्दुमा झरेको छ ।

घटेको बजारमा पनि केही कम्पनीको शेयरमूल्य बढेको छ भने केहीको घटेको छ । आजको बजारबाट मानुषी लघुवित्त वित्तीय संस्थाका लगानीकर्ताले सबैभन्दा बढी नाफा आर्जन गरेका छन् । लघुवित्तका लगानीकर्ताले १० प्रतिशत नाफा आर्जन गरेका हुन् ।

त्यसैगरी तेह्रथुम पावर कम्पनीले ९.९९ प्रतिशत, साहस उर्जा लिमीटेडका लगानीकर्ताले ७.६४ प्रतिशत नाफा कमाएका हुन् । गुडविल फाइनान्स, सामुदायिक लघुवित्तका लगानीकर्ताले ३ प्रतिशत भन्दा धेरै तथा पाँचथर पावर, १२ प्रतिशत गुडविल फाइनान्स डिबेन्चर २०८३ को लगानीकर्ताले २ प्रतिशत भन्दा धेरै नाफा कमाएका छन् । यस्तै यूनिलिभर नेपाल, एनआईबीएल समृद्धि फन्ड १ र एनआईबीएल समृद्धि फन्ड २ का लगानीकर्ताले पनि १ प्रतिशत भन्दा धेरै नाफा कमाएका छन् ।

कारोबारको अन्तिम दिन बिहीबार कमाउने भन्दा धेरै गुमाउने देखिएका छन् । बिहीबार २५ कम्पनीको शेयर लगानीकर्ताले कमाउँदा १९२ कम्पनीको शेयर लगानीकर्ताले गुमाएका हुन् । ८ कम्पनीको शेयरमूल्य स्थीर रह्यो ।

यसदिन आइसिएफसि फाइनान्स र महालक्ष्मी विकास बैकका लगानीकर्ताले सबैभन्दा बढी गुमाएका छन् । बिहीबार दुबै कम्पनीको लगानीकर्ताले ९.९९ प्रतिशतका दरले गुमाएका छन् ।

त्यसैगरी शिवश्री हाइड्रोपावरले ७.३९ प्रतिशत, बरुण हाइड्रोपावर, यूनियन हाइड्रोपावर, सिनर्जी पावरका लगानीकर्ताले ६ प्रतिशत भन्दा बढीले गुमाएका छन् ।  राधी विद्युत कम्पनी, नेपाल हाइड्रो डेभलोपर्स र मल्टिपपर्स फाइनान्स कम्पनीको शेयरमा लगानी गरेकाले ५ प्रतिशत भन्दा धेरै गुमाएका छन् ।

यसदिन कूल २२५ वटा कम्पनीको ९४ लाख ७५ हजार ९ सय ३६ कित्ता शेयर खरिदबिक्री हुँदा ५ अर्ब ११ करोड ९६ लाख २ हजार ५ सय ४० रूपैयाँ बराबरको कारोबार भएको नेप्सेले जनाएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।