शाइन रेसुङ्गाको साधारण सभा मंसिर २९ गते

शाइन रेसुङ्गा डेभलपमेन्ट बैंक लिमिटेड (SHINE) ले मंसिर २९ गते, बुधबार, महाराजा रिसोर्ट, बुटवल, रूपन्देहीमा बिहान ११ बजे बैंकको तेह्रौँ वार्षिक साधारण सभा आह्वान गरेको छ ।

बैंक सञ्चालक समितिको मंसिर ७ गते, मंगलबार बैठकले वार्षिक साधारण सभा आह्वान गरेको हो ।

सभाले कार्तिक १४ गते सम्पन्न सञ्चालक समितिको बैठकले गरेको निर्णय अनुसार गत आर्थिक वर्ष २०७७/७८ को मुनाफाबाट बैंकका शेयरधनीहरूलाई वितरण गर्न प्रस्ताव गरिएको चुक्ता पूँजीको १०.९३ प्रतिशत बोनस शेयर र कर प्रयोजनका लागि ०.५७ प्रतिशत नगद लाभांश अनुमोदन गर्ने लगायतका प्रस्तावहरु पारित गर्नेछ ।

यस्तै सभाले शाइन रेसुङ्गा र अन्य उपयुक्त बैंक तथा वित्तीय संस्थासँग मर्जर अथवा एक्विजिशन सम्बन्धि सम्पूर्ण कार्य गर्न सञ्चालक समितिलाई अख्तियारी दिने, सञ्चालकको संख्या र समूहगत प्रतिनिधित्वमा परिवर्तन गरी सोही बमोजिम नियमावलीको सम्बन्धित नियम संशोधन गर्ने लगायतका प्रस्ताव पनि पारित गर्नेछ ।

साधारण सभा तथा लाभांश वितरण प्रयोजनका लागि बैंकले मंसिर १७ गतेदेखि शुक्रबारदेखि मंसिर २९ गते बुधबारसम्म बुकक्लोज गर्ने निर्णय गरेको छ । यसअनुसार मंसिर १६ गते बिहीबारसम्मसम्म नेप्सेमा शेयर कारोबार भई शेयरधनी कायम हुने लगानीकर्ताहरूले मात्र साधारण सभामा भाग लिन तथा लाभांश पाउनेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।