महालक्ष्मी लाईफको “जोर्नी टू सक्सेस” सेमिनार सम्पन्न

महालक्ष्मी लाईफ इन्स्योरेन्स लिमिटेडले काठमाण्डौमा “जोर्नी टू सक्सेस” विषयमा एक दिने सेमिनार सम्पन्न गरेको छ ।

कम्पनीले मंसिर ११ गते सामाखुसी स्थित स्काई बैंकेटमा सम्पन्न उक्त कार्यक्रममा १०५ जना भन्दा बढीको सहभागिता रहेको थियो । प्रमुख कार्यकारी अधिकृत रमेश कुमार भट्टराईको अध्यक्षतामा सञ्चालन भएको उक्त सेमिनारमा उपत्यका भित्रका एघार शाखाहरुमा कार्यरत निश्चित व्यवसाय गरेका लिडर अभिकर्ताहरुलाई सहभागि गराइएको थियो ।

बीमा व्यवसायलाई व्यवसायिक कसरी बनाउने, कारोबार गरिरहेता पनि सफलताको बाटोमा कसरी अगाडि बढ्ने र प्राप्त सफलतालाई निरन्तरता कसरी दिने विषयमा छलफल तथा प्रशिक्षण दिइएको थियो । नायव प्रमुख कार्यकारी अधिकृत कमल पन्थीको स्वागत मन्तव्यबाट प्रारम्भ भएको उक्त कार्यक्रममा २६ वर्षदेखि बैंक, बीमामा निरन्तर कार्यकारी प्रमुख रहेका कम्पनीका प्रमुख कार्यकारी अधिकृत रमेश कुमार भट्टराईले सफल हुन चालेका कदम तथा भोगेका अनुभवहरु प्रस्तुत गरेर व्यवहारिक प्रशिक्षण दिनएका थिए ।

कार्यक्रमका विशेष अतिथि पूर्व प्राध्यापक, स्वास्थ्य बीमा वोर्डका कार्यकारी निर्देशक तथा बीमा विज्ञ डा. दामोदर बसौलाले आफुले लामो समय देखि बीमा अभिकर्ता भई कार्यरत रहँदाको व्यवहारिक प्रशिक्षण दिँदै बीमा पेसामा सफल हुन चाहिने गुणहरु र अवलम्बन गर्नुपर्ने बाटोहरु बारे जानकारी गराए । कम्पनीका चिफ मार्केटिङ अफिसर प्रशान्तराज धमलाले धन्यवाद ज्ञापन गर्दै बीमा व्यवसायको बजारीकरण बारेमा प्रशिक्षण दिएको थिए ।

महालक्ष्मी लाईफ इन्स्योरेन्स बागमति प्रदेश प्रमुख राम प्रसाद भुसालले सञ्चालन गरेको उक्त कार्यक्रममा महालक्ष्मी लाईफका लिडर अभिकर्ताहरुले आ-आफ्नो अनुभवहरु राख्दै बीमा क्षेत्रमा सफल हुनको लागि सेमिनारबाट प्राप्त व्यवहारिक ज्ञानले ठूलो मद्दत र हौसला प्रदान गरेको तथा भविष्यमा यस किसिमको कार्यक्रमलाई निरन्तरता दिनुपर्ने आवश्यकतामा जोड दिएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।