आठ विकास बैंक र तीन फाइनान्सले घोषणा गरे लाभांश

मंसिर २३ गते बिहीबारसम्ममा गत आर्थिक वर्ष २०७७।७८ बाट आठ विकास बैंक र तीन फाइनान्सले लाभांश घोषणा गरेका छन् ।

हालसम्म महालक्ष्मी विकास बैंक, कामना सेवा, मुक्तिनाथ, ज्योति, मितेरी, लुम्बिनी, शाइन रेसुङ्गा र सांग्रिला डेभलपमेन्ट बैंकको लाभांश घोषणा भएको हो । यस्तै आईसिएफसि फाइनान्स, श्री इन्भेष्ट एण्ड फाइनान्स र गुहेश्वरी फाइनान्सले पनि सेयरधनीलाई वितरण गर्ने लाभांश घोषणा गरेका छन् ।

घोषणा भएको लाभांशमा विकास बैंकमध्ये महालक्ष्मी विकास बैंकले सबैभन्दा बढी २० प्रतिशत बोनस हित २१.०६ प्रतिशत र सांग्रिलाले सबैभन्दा कम १० प्रतिशत बोनस हित १०.५३ प्रतिशत रहेको छ ।

उता आईसिएफसि फाइनान्सले १० प्रतिशत बोनस सहित १४ प्रतिशत लाभांश वितरणको प्रस्ताव गर्दा गुहेश्वरी मर्चेन्टले १० प्रतिशत बोनस सहित १०.५३ प्रतिशत लाभांश वितरणको प्रस्ताव गरेको छ । श्री इन्भेष्ट एण्ड फाइनान्सले ७.७० प्रतिशत बोनस सहित ११ प्रतिशत लाभांश वितरणको प्रस्ताव गरेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।