सेञ्चुरी कमर्सियल बैंक लिमिटेड (CCBL) ले गत आर्थिक वर्ष २०७७/७८ को मुनाफाबाट बैंकका शेयरधनीहरुलाई ६.०५ प्रतिशत लाभांश वितरण गर्ने प्रस्ताव गरेको छ ।
संस्थाको पुस २ गते, शुक्रबार सम्पन्न सञ्चालक समितिको बैठकले चुक्ता पूँजीको ५.७५ प्रतिशत बोनस सेयर र कर प्रयोजनका लागि ०.३० प्रतिशत नगद गरी कुल ६.०५ प्रतिशत लाभांश वितरण गर्ने प्रस्ताव गरिएको कम्पनी सचिव तुल्सी प्रसाद भट्टराईले जानकारी दिए ।
यसअघि अघिल्लो आर्थिक वर्ष २०७६।७७ बाट बैंकले प्रतिशत ५.२५ बोनस सेयर र कर प्रयोजनका लागि २.२५ प्रतिशत नगद गरी कुल ७.५० लाभांश वितरण गरेको थियो । अघिल्लो आवको तुलनामा बैंकले प्रस्ताव गरेको लाभांश १.४५ प्रतिशत कम हो ।
बैंकले प्रस्ताव गरेको उक्त लाभांश नियामक निकाय नेपाल राष्ट्र बैंकबाट स्वीकृत भई बैंकको आगामी वार्षिक साधारण सभाले पारित गरेपश्चात मात्र लगानीकर्तामा वितरण हुनेछ ।
यस्तो छ विगतको लाभांश इतिहासः-
S.N. | Fiscal Year | Bonus Dividend(%) | Cash Dividend(%) | Total Dividend(%) |
1 | 2076/2077 | 5.25 | 2.25 | 7.50 |
2 | 2075/2076 | 2.00 | 4.75 | 6.75 |
3 | 2074/2075 | 2.00 | 4.50 | 6.50 |
4 | 2073/2074 | 5.00 | 5.00 | 10.00 |
5 | 2072/2073 | 10.00 | 0.00 | 10.00 |
6 | 2071/2072 | 9.00 | 0.47 | 9.47 |
7 | 2070/2071 | 6.00 | 3.47 | 9.47 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया