समीट लघुवित्तको साधारण सभा पुस २४ गते

समीट लघुवित्त वित्तीय संस्था लिमिटेड (SMB) ले पुस २४ गते शनिबार, आँबुखैरेनी रेष्टुराँ एण्ड पार्टी प्यालेस, आँबुखैरेनी तनहुँमा बिहान १० बज तेह्रौं वार्षिक साधारण सभा आह्वान गरेको छ ।

लघुवित्तले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश अनुमोदन र एफपीओ निष्काशन प्रस्ताव पारित गर्ने मुख्य एजेण्डा सहित साधारण सभा डाकेको हो ।

सभाले सञ्चालक समितिले प्रस्ताव गरे अनुरुप चुक्ता पूँजीको २५.२८ प्रतिशत बोनस शेयर वितरण गर्ने प्रस्ताव पारित गर्नेछ ।

यसैगरी सजिलो लघुवित्त र समीट लघुवित्त एक आपसमा मर्जर र बोनस सेयर जारी गरेपश्चात संस्थापक र सर्वसाधारण शेयर पूँजीको अनुपातमा मिलान गर्दा नपुग भएको सर्वसाधारण तर्फको ७ लाख ५१ हजार ७१२ कित्ता साधारण शेयर प्रिमियममा एफपीओ जारी गर्नेछ ।

यसैगरी समीट लघुवित्त र अन्य लघुवित्त वित्तीय संस्थासंग मर्ज अथवा एक्विजिशन गर्न सञ्चालक समितिलाई अख्तियारी दिने लगायतका प्रस्तावहरु पारित गर्नेछ । साथै अन्य प्रस्तावहरुमा कम्पनीको केन्द्रीय कार्यालय काभ्रेपलाञ्चोक जिल्लाको बनेपा नगरपालिकामा स्थानान्तरण गर्ने, प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्ती र पारिश्रमिक निर्धारण गर्ने प्रस्ताव पनि पारित गर्नेछ ।

लघुवित्तले साधारण सभा तथा लाभांश वितरण प्रयोजनार्थ पुस १५ गते बिहीबारदेखि २४ गतेसम्म बुकक्लोज गर्ने भएको छ । यस अनुसार पुस १४ गते बुधबारसम्म नेप्सेमा सेयर कारोबार भइ कायम रहने सेयरधनीहरुले मात्र लाभांश प्राप्त गर्न र साधारण सभामा सहभागिता जनाउन सक्नेछन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।