सन् २०२१ मर्जर र एक्विजिशनको लागि ऐतिहासिक वर्ष बनेको छ ।
सस्तो फाइनान्सिङको सहज उपलब्धता र बढ्दो स्टक मार्केटले ठूलो हदसम्म मर्जर र एक्विजिसन गतिविधि अघि बढाउन सहयोग गर्दा सन् २०२१ मर्जर र एक्विजिसनको लागि उत्कृष्ट वर्ष बन्न पुगेको हो ।
विश्वव्यापी रुपमा मर्जर र एक्विजिशनको भोल्यूम ५.८० ट्रिलियन अमेरिकी डलर भन्दा बढी पुगेको रोयटर्सले जनाएको छ । यस अघि सन् २००७ मा मर्जर र एक्विजिसनको ग्लोबल भोल्यूम पहिलो पटक ४.५५ ट्रिलियन पुगेको थियो ।
सन् २०२० को तुलनामा सन् २०२१ मा मर्जर र एक्विजिशनको भोल्यूम ६४ प्रतिशत भन्दा धेरैले बढेको हो ।
बाइडेन प्रशासनको कडा अविश्वासका बावजुद संयुक्त राज्यले अमेरिकामा मात्रै विश्वव्यापी मर्जर र एक्विजिशनले आधा स्थान ओगटेको छ । सन् २०२१ मा झण्डै दोब्बरले बढेर मर्जर र एक्विजिसनको भोल्यूम २.५ ट्रिलियन पुगेको हो ।
यूएस फेडरल रिजर्भको अनुकूल मौद्रिक नीतिहरूका कारण बैंक तथा वित्तीय संस्थाका प्रमुखहरुलाई सस्तो ब्याजदरमा वित्तीय सेवा उपलब्ध गराएर लक्ष्यहरू पछ्याउन उत्प्रेरित गर्दा समेत मर्जर तथा एक्वीजिशनमा रेकर्ड कायम भएको बताइएको छ ।
उच्च ब्याजदरले लागत बढाउने हुँदा आर्थिक गतिविधिलाई सुस्त बनाउन सक्छ । यद्यपी मर्जर विज्ञ तथा सल्लाहकारहरूले अझै पनि २०२२ मा ठूला मर्जरहरू हुनेसक्ने बताएका छन् ।
प्रतिक्रिया