नेको इन्स्योरेन्स कम्पनी लिमिटेड (NIL) ले आर्थिक वर्ष २०७७/७८ को मुनाफाबाट कम्पनीका शेयरधनीहरूलाई वितरण गर्ने लाभांश प्रस्ताव गरेको छ ।
कम्पनीको माघ ३ गते, सोमबार बिहान सम्पन्न सञ्चालक समितिको बैठकले चुक्ता पूँजीको १५ प्रतिशत बोनस सेयर र कर प्रयोजनका लागि ०.७९ प्रतिशत नगद गरी कुल १५.७९ प्रतिशत लाभांश वितरण गर्ने प्रस्ताव गरेको हो । यसअनुसार कम्पनीले कुल २० करोड ८० लाख २२हजार ५१३ रुपैयाँ बराबरको लाभांश वितरण गर्नेछ ।
प्रस्तावित उक्त लाभांश नियामक निकाय बीमा समितिबाट स्वीकृत भई र कम्पनीको आगामी साधारण सभाबाट पारित भएपछि मात्र लगानीकर्ताले पाउनेछन् ।
हाल कम्पनीको चुक्ता पूँजी १ अर्ब ३१ करोड ७४ लाख ३२ हजार रुपैयाँ रहेको छ । प्रस्तावित १९ करोड ७६ लाख १४ हजार ८०० रुपैयाँ बराबरको बोनस सेयर वितरणपछि कम्पनीको चुक्ता पूँजी १ अर्ब ५१ करोड ५० लाख ४६ हजार ८०० रुपैयाँ पुग्नेछ । यस्तै बोनसमा लाग्ने कर प्रयोजनका लागि कम्पनीले १ करोड ४ लाख ७ हजार ७१३ रुपैयाँ नगद लाभांश वितरण गर्नेछ ।
अघिल्लो आवको नाफाबाट कम्पनीले १५.५० प्रतिशत बोनस सेयर र कर प्रयोजनका लागि ०.८२ प्रतिशत नगद लाभांश वितरण गरेको थियो ।
यस्तो छ कम्पनीकाे लाभांश इतिहास:-
| S.N. | Fiscal Year | Bonus Dividend(%) | Cash Dividend(%) | Total Dividend(%) |
| 1 | 2076/2077 | 15.50 | 0.82 | 16.32 |
| 2 | 2075/2076 | 0.00 | 8.16 | 8.16 |
| 3 | 2074/2075 | 12.00 | 0.63 | 12.63 |
| 4 | 2073/2074 | 10.00 | 0.52 | 10.52 |
| 5 | 2072/2073 | 20.00 | 1.05 | 21.05 |
| 6 | 2071/2072 | 15.00 | 0.78 | 15.78 |
| 7 | 2070/2071 | 12.71 | 0.67 | 13.38 |
| 8 | 2068/2069 | 11.50 | 0.00 | 11.50 |
| 9 | 2067/2068 | 5.00 | 0.00 | 5.00 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया