सिटिजन्स बैंकको जनकपुर शाखाले आफ्नै सुविधा सम्पन्न भवनबाट थाल्यो सेवा

सिटिजन्स बैंक इन्टरनेसनल लिमिटेड (CZBIL) ले विद्यापती चोक जनकपुरमा आफ्नै सुविधा सम्पन्न भवन सञ्चालनमा ल्याएको छ ।

नेपाली जनताको घरदैलोमा अनवरत रूपले बैंकिंङ्ग सेवा पुर्‍याउँदै आएको बैंकले माघ ३ गते उक्त भवनमा पूजा पाठ गरी सेवा सुरु गरेको हो ।

बैंकका प्रमुख कार्यकारी अधिकृत गणेशराज पोखरेलले उक्त शाखाको उद्घाटन गरी बैंकिङ्ग कारोवार सञ्चालन गरेका हुन् ।

करिव ३७६७ वर्ग फीटमा फैलिएको उक्त शाखाको उद्घघाटन समारोहमा स्थानिय निकायका प्रतिनिधिहरू, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरुको बाक्लो उपस्थिति रहेको थियो ।

हाल धनुषा जिल्ला, जनकपुर उपमहानगरपालिका वडा नं. ४ मा सञ्चालनमा रहेको विद्यापती चोक शाखा अब हालको भवनबाट करिब ३०० मिटरको दूरीमा रहेको बैंकको आफ्नै भवनमा स्थानान्त्ररण भएको हो ।

सुविधा सम्पन्न यस शाखाबाट ग्राहकहरूलाई प्राथमिकतामा राख्दै प्रिभिलेज काउन्टर समेत सुरुवात गरिएको छ । साथै यस शाखा मार्फत ग्राहकहरुको वित्तीय आवश्यकता पूरा गर्न आवश्यक सम्पूर्ण रिटेल बैकिंग सेवा प्रदान गर्नुका साथै साना तथा कर्पोरट व्यवसायीहरुमाझ वित्तीय पहुँच पु¥याँउने लक्ष्य बैंकले राखेको छ ।

सुविधाजनक बचत खाता योजना, मुद्दती निक्षेप योजना, लकर सेवा, ए.टि.एम.सेवा, घर तथा सवारी कर्जा, साना व्यवसायी कर्जा, लगायतका वित्तीय सेवाहरु छिटो, छरितो, चुस्त र दुरुस्त रूपमा ग्राहकहरुलाई प्रदान गर्ने प्रतिबद्धता बैंकले जनाएको छ ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना १७४ वटा शाखा, १२३ वटा ए.टि.एम. र ९० वटा शाखा रहित बैंकिङ्ग ईकाईहरुबाट करिव १३ लाख ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।