एक्सेल डेभलपमेन्ट बैंकको सीईओमा इन्द्रकुमार कट्टेल

एक्सेल डेभलपमेन्ट बैंकको प्रमुख कार्यकारी अधिकृत (सीईओ) मा डा. इन्द्रकुमार कट्टेल चयन भएका छन् ।

फागुन ३ गते मंगलबार सम्पन्न बैंक सञ्चालक समितिको बैठकले कट्टेललाई सीईओ पदमा नियुक्त गर्ने निर्णय गरेको हो । सो सञ्चालक समितिको बैठकले आगामी चैत २९ गतेदेखि लागू हुने गरी ४ वर्षको लागि कट्टेललाई सीईओ नियुक्त गरेको हो ।

मंगलबार बसेको सञ्चालक समितिको बैठकले काठमाडौं कीर्तिपुरका कट्टेललाई चैत २९ गतेबाट लागू हुने गरी ४ वर्षका लागि सीईओ पदमा नियुक्त गर्ने निर्णय गरेको कम्पनी सचिव श्यामबहादुर बोहोराले जनाकारी दिए ।

कट्टेलले २०८२ चैतसम्म बैंकको सीईओको जिम्मेवारीमा कार्यभार सम्हाल्ने छन् ।  विर्तामोड झापामा केन्द्रीय कार्यालय रहेको एक्सेल डेभलपमेन्ट बैंकको कार्यक्षेत्र पाँच जिल्लामा रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।