सगरमाथा इन्स्योरेन्स कम्पनी लिमिटेड (SIC) ले आर्थिक वर्ष २०७७।७८ को मुनाफाबाट सेयरधनीहरुलाई लाभांश वितरण गर्ने लाभांश प्रस्ताव गरेको छ ।
कम्पनीको फागुन १२ गते बिहीबार साँझ सम्पन्न सञ्चालक समितिको बैठकले चुक्ता पूँजीको २० प्रतिशत बोनस सेयर र बोनसको कर प्रयोजनका लागि १.०५२६३ प्रतिशत नगद लाभांश वितरण गर्ने प्रस्ताव गरेको हो ।
सञ्चालक समितिको बैठकले प्रस्ताव गरेको उक्त लाभांश नियामक निकाय बीमा समिति तथा कम्पनीको आगामी वार्षिक साधारण सभाले अनुमोदन गरेपछि मात्र लगानीकर्ताले पाउनेछन् ।
कम्पनीको २०७६।७७ मुनाफाबाट चुक्ता पूँजीको ११ प्रतिशत बोनस सेयर र ०.५७८९ प्रतिशत नगद लाभांश वितरण गरेको थियो । समीक्षा अवधिमा कम्पनीको लाभांश १० प्रतिशतले बढेको हो ।
हाल सगरमाथा इन्स्योरेन्स कम्पनीको चुक्ता पूँजी १ अर्ब ११ करोड १३ लाख ५७ हजार रुपैयाँ रहेको छ । प्रस्तावित २२ करोड २२ लाख ७१ ह्जार ४०० रुपैयाँ बोनस सेयर वितरणपछि कम्पनीके चुक्ता पूँजी १ अर्ब ३३ करोड ३६ लाख २८ हजार ४०० रुपैयाँ पुग्नेछ ।
यस्तो छ कम्पनीको लाभांश इतिहासः
| S.N. | Fiscal Year | Bonus Dividend(%) | Cash Dividend(%) | Total Dividend(%) |
| 1 | 2077/2078 | 20.00 | 1.05 | 21.05 |
| 2 | 2076/2077 | 11.00 | 0.58 | 11.58 |
| 3 | 2074/2075 | 86.00 | 0.00 | 86.00 |
| 4 | 2072/2073 | 22.00 | 1.15 | 23.15 |
| 5 | 2071/2072 | 23.75 | 1.25 | 25.00 |
| 6 | 2070/2071 | 15.00 | 0.79 | 15.79 |
| 7 | 2069/2070 | 20.00 | 22.10 | 42.10 |
| 8 | 2068/2069 | 100.00 | 29.62 | 129.62 |
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया