सुनको मूल्य तोलाकै १ लाख १ हजार ५ सय, चाँदीको भाउ पनि बढ्यो

सुनचाँदीको मूल्य बुधबार नेपाली बजारमा बढेको छ ।

नेपाल सुनचाँदी व्यवसायी महासंघका अनुसार मंगलबारको तुलनामा बुधबार सुनको मूल्य तोलामा ६०० रुपैयाँ र चाँदीको मूल्यमा २० रुपैयाँले वृद्धि भएको हो ।

बुधबारका लागि छापावाला सुनको मूल्य प्रतितोला १ लाख १ हजार ५०० रुपैयाँ र तेजावी सुनको मूल्य १ लाख १ हजार रुपैयाँ निर्धारण गरिएको छ ।

महासंघका अनुसार मंगलबार छापावाला सुन तोलाको १ लाख ९०० रुपैयाँ र तेजावी सुन १ लाख ४०० रुपैयाँमा कारोबार भएको थियो ।

यस्तै मंगलबारको तुलनामा बुधबार चाँदी भाउ पनि तोलामा २० रुपैयाँले वृद्धि भएको छ । चाँदीको कारोबार मूल्य आज प्रतितोला १ हजार ४०० रुपैयाँ कायम गरिएको छ । मंगलबार चाँदी तोलाको १ हजार ३८० रुपैयाँमा कारोबार भएको थियो ।

सोमबारको तुलनामा मंगलबार सुन तोलामा ८०० रुपैयाँ र चाँदी १५ रुपैयाँले बढेर कारोबार भएको थियो ।

महासंघले अन्तर्राष्ट्रिय बजारमा हुने सुन चाँदीको मूल्यको उतारचढावका आधारमा नेपालमा दैनिक सुन तथा चाँदीको कारोबार मूल्य तोक्दै आएको छ । आज अन्तर्राष्ट्रिय बजारमा सुन प्रतिऔंस १ हजार ९६९ दशमलव ६३ डलर र चाँदी प्रतिऔंस २४ दशमलव ४९ ललरको हाराहारीमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।