प्रुडेन्सियल इन्स्योरेन्सको वैशाख ११ गतेको साधारण सभाबाट बोनस पारित हुँदै

प्रुडेन्सियल इन्स्योरेन्स (PICL) को वैशाख ११ गते सम्पन्न हुने २० औं साधारण सभाबाट सेयरधनीलाई गत आव २०७७।७८बाट प्रस्तावितत लाभांश अनुमोदन हुँदैछ ।

कम्पनीले आव २०७७/७८ को नाफाबाट ७ प्रतिशत बोनस सेयर र कर तिर्न ०.३६ प्रतिशत नगद लाभांश वितरणको प्रस्ताव गरेको छ । सभाले उक्त प्रस्ताव पारित गर्ने भएको छ ।

यस्तै सभामा आर्थिक वर्ष २०७७।७८ को नाफा नोक्सान हिसाब, २०७८।७९ को लागि लेखापरीक्षक नियुक्ति तथा पारिश्रमिक निर्धारण गर्ने लगायतका अन्य प्रस्तावहरु पनि पेश हुनेछ ।

प्रुडेन्सियलले लाभांश वितरण तथा साधारण सभा प्रयोजनका लागि कम्पनीले चैत २४ गते बुकक्लोज गरिसकेको छ । बुकक्लोज अनुसार चैत २३ गतेसम्म नेप्सेमा सेयर कारोबार भई कायम रहेका सेयरधनीले मात्र प्रस्तावित लाभांश पाउनेछन् ।

कम्पनीको २० औं साधारण सभा वैशाख ११ गते दिउँसो १२ः३० बजेबाट दियालो लर्डस प्लाजा, वीरगञ्जमा आह्वान गरिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।