पिपुल्स पावरको आईपीओ ३ दिनमा साढे १० लाख बढीले भरे, मागभन्दा ५.३४ गुणा आवेदन

पिपुल्स पावर लिमिटेडले साउन ३१ गते मंगलबार देखि बिक्री खुला गरेको प्रारम्भिक सार्वजनिक निष्कासन (आईपीओ) बिहीबारसम्म साढे १० लाख बढी आवेदकबाट मागभन्दा ५.३४ बढीको आवेदन परेको छ ।

सिडिएस एण्ड क्लियरिङ्ग लिमिटेडका अनुसार भदौ गते बिहीबार साँझ ५ बजेसम्ममा १० लाख ६७ हजार १८० वटा आवेदन परेको हो ।

उल्लेखित संख्याबाट १ अर्ब २२ करोड ६४ लाख ४४ हजार रुपैयाँ बराबरको १ करोड २२ लाख ६४ हजार ४४० कित्ताको माग परेको छ । यो संख्या सर्वसाधारणमा माग गरिएको संख्याको ५.३४गुणा हो ।

कम्पनीले साउन ३१ गते मंगलबारदेखि प्रतिकित्ता १०० अंकित मूल्यका २४ लाख ६७ हजार ४०० कित्ता सेयर जारी गरेको छ । जसमध्ये २ प्रतिशत अर्थात ४९ हजार ३४८ कित्ता कम्पनीका कर्मचारीहरुका लागि र ५ प्रतिशत अर्थात १ लाख २३ हजार ३७० कित्ता सामुहिक लगानी कोषहरुका लागि सुरक्षित गरिएको छ छ । सर्वसाधारण लगानीकर्ताले २२ लाख ९४ हजार ६८२ कित्ता सेयर खरिदका लागि आवेदन दिन सक्नेछन् ।

लगानीकर्ताले न्यूनतम १० देखि ५० हजार कित्तासम्ममा लागि आवेदन दिनसक्ने व्यवस्था छ । उक्त आईपीओ भदौ ५ गते निष्कासन बन्द हुनेछ । इच्छुक लगानीकर्ताले मेरो सेयरको मोबाइल एप, मेरो सेयर वेवसाइट तथा नेपाल धितोपत्र बोर्डबाट सि आस्वा अनुमति सेवामा सहभागी बैंक तथा वित्तीय संस्था र तिनका तोकिएका शाखा कार्यालयहरुबाट कम्पनीको आईपीओमा आवेदन दिन सकिनेछ ।

आईपीओ निष्काशनका लागि गराएको रेटिङ्गमा केयर रेटिङ्ग नेपाले कम्पनीलाई केयर एनपी डबल बी इस्यूअर रेटिङ्ग प्रदान गरेको छ । यसले दायित्व बहन गर्ने क्षमतामा औसत जोखिम रहेको संकेत गर्दछ ।

कम्पनीको शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ ।

थप समाचार-

पिपुल्स पावरको साढे २५ करोडको आईपीओमा आवेदन खुल्यो

पिपुल्स पावरको आईपीओ पहिलो दिनमा करिब ३ लाखले भरे, मागभन्दा डेढ गुणा आवेदन

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।