फाइनान्सहरुले साउनमा कमाए १५ करोड नाफा, चार कम्पनी नोक्सानीमा

चालु आर्थिक वर्ष २०७९।८० को पहिलो महिना अर्थात साउनमा मुलुकमा सञ्चालित १७ फाइनान्स कम्पनीहरुमध्ये १३ कम्पनीहरुले १४ करोड ९४ लाख ३५ हजार रुपैयाँ नाफा कमाएका छन् । यस अवधिमा तीन फाइनान्सहरु क्यापिटल मर्चेन्ट, प्रोगेशिभ फाइनान्स, समृद्धि र नेपाल फाइनान्स नोक्सानीमा रहेका छन् । चार फाइनान्सको नोक्सानी २ करोड ९२ लाख १० हजार छ ।

अघिल्लो आवको साउनमा १४ फाइनान्सहरुले १६ करोड ४१ लाख ७८ हजार रुपैयाँ नाफा कमाएका थिए । सो वर्षमा क्यापिटल मर्चेन्ट, प्रोगेशिभ फाइनान्स र समृद्धि नोक्सानीमा रहेका थिए । तीन फाइनान्सको नोक्सानी ६४ लाख २ हजार थियो ।

नेपाल राष्ट्र बैंकको तथ्याङ्क अनुसार २०७९ साउनमा गुडविल फाइनानसले सर्वाधिक ५ करोड ९५ लाख ७ हजार रुपैयाँ नाफा कमाएको छ । अघिल्लो आवको यसै अवधिमा कम्पनीले ३ करोड ५६ लाख ६५ हजार रुपैयाँ नाफा कमाएकोमा ६६.८५ प्रतिशतले नाफा वृद्धि भएको हो ।

दोस्रो ठूलो नाफा कमाएको फाइनान्स सेन्ट्रलले २ करोड ८७ लाख ४६ हजार रुपैयाँ नाफा कमाएको छ । अघिल्लो आवको साउनमा ७७ लाख ८६ हजार नाफा कमाएकोमा फाइनान्सको नाफा २६९ प्रतिशत नाफा बढेको हो । साउनमा पोखरा फाइनान्सले ३०१ प्रतिशतले नाफा वृद्धि गर्दै १ करोड ३५ लाख ९२ हजार रुपैयाँ कमाएको छ ।

यस्तै साउनमा आईसीएफसी फाइनान्सले १ करोड २२ लाख ७ हजार र गोर्खाज फाइनान्सले १ करोड १५ लाख ३४ हजार नाफा कमाएको छ । जानकी फाइनान्सले ६६ लाख ६५ हजार र ४० लाख ९ हजार, बेष्ट फाइनान्स ३४ लाख ७० हजार, नेपाल सेयर मार्केट कम्पनीले १३ लाख ४६ हजार रुपैयाँ नाफा कमाएको छ । रिलायन्स फाइनान्सको नाफा साउनमा ७ लाख २९ हजार, मल्टिपर्पस फाइनान्स ५ लाख ९३ हजार र मञ्जुश्री फाइनान्सले जम्मा १६ हजार नाफा कमाएको छ ।

समीक्षा अवधिमा क्यापिटल मर्चेन्टले ५ लाख ३० हजार, प्रोगेशिभ फाइनान्स ६१ लाख ५० हजार र नेपाल फाइनान्स १ करोड ७ लाख नोक्सानीमा रहँदा समृद्धि फाइनान्सुले सर्वाधिक १ करोड १८ लाख ३० हजार रुपैयाँ घाटा ब्यहोरेको छ ।

समीक्षा अवधिमा अघिल्लो साउनको तुलनाा यो साउनमा गुहेश्वरी मर्चेन्टको नाफा सर्वाधिक ८३६ प्रतिशतले बढेको छ । पोखरा फाइनान्सको नाफा ३०१ प्रतिशत, सेन्ट्रल फाइनान्स २६९, नेपाल सेयर मार्केट १९४, गुडविल फाइनान्स करिब ६७ र जानकी फाइनान्सको नाफा साउनमा साढे २३ प्रतिशतले बढेको छ ।

यो साउनमा ११ फाइनान्सको नाफा अघिल्लो आवको साउनको तुलनामा घटेको छ । बेष्ट फाइनान्सको ४६.७३ प्रतिशत, श्री इन्भेष्ट ५२.९३, आईसीएफसी फाइनान्स ५५.३०, गोर्खाज फाइनान्स ५६.८०, मल्टिपपर्स ८०.४४, रिलायन्स ९५.३४, मञ्जुश्री फाइनान्स ९९.८६, क्यापिटल मर्चेन्ट १६६, नेपाल फाइनान्स २८५, प्रोगेशिभ फाइनान्स २८५ र समृद्धि फाइनान्सको नाफा २०७८ साउनको तुलनामा २०७९ साउनमा ५६५ प्रतिशतले घटेको हो ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।