सुनचाँदीको भाउ तिहार लाग्दा झनै सस्तिँदै

सुनचाँदीको मूल्य तिहार नजिकिँदै गर्दा झनै सस्तिएको गएको छ । आइतबारदेखि तिहार लाग्दा तिहारको नजिक आउँदा सुनको भाउ ओरालो गतिमा देखिएको हो । यो सातामा मात्रै सुन तोलामा १ हजार तथा चाँदी २५ रुपैयाँले घटेको छ ।

नेपाल सुनचाँदी व्यवसायी महासंघका अनुसार अघिल्लो दिनको तुलनामा कार्तिक ३ गते बिहीबार तोलामा १०० सय रुपैयाँ तथा चाँदीको भाउ तोलामा ५ रुपैयाँले घटेको छ ।

आजका लागि छापावाल सुनको भाउ प्रतितोला ९३ हजार १०० रुपैयाँ र तेजावी सुनको भाउ ९२ हजार ६०० रुपैयाँ तोकिएको छ । यस्तै आज चाँदी प्रतितोला १ हजार १७० रुपैयाँमा कारोबार भैरहेको छ ।

कार्तिक २ गते बुधबार तोलामा २०० ले घटेर छापावल सुन ९३ हजार २०० रुपैयाँ तथा तेजावी सुन ९२ हजार ७०० रुपैयाँमा कारोबार भएको थियो । बुधबार चाँदीको भाउ पनि तोलामा ५ रुपैयाँ घटेर प्रतितोला १ हजार १७५ रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १६३४ डलर तथा चाँदी प्रतिऔंस १८.५४ डलर हाराहारीमा कारोबार भैरहेको छ । अन्तर्राष्ट्रिय बजारमा हुने सुन तथा चाँदीको कारोबार मूल्यको आधारमा महासङ्घले स्थानीय बजारमा दैनिक (आइतबारदेखि शुक्रबारसम्म) कारोबार हुने सुनचाँदीको मूल्य तोक्ने गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।