फेडले ब्याजदर नबढाउने आशामा लगानीकर्ता, एशियाली सेयर बजार उकालो लाग्दै

उपभोक्ता मूल्य सूचांकमा सुधार आएपछि फेडरल रिजर्भ (फेड)ले औसत ब्याजदर वृद्धि नगर्ने आशा गरेका लगानीकर्ताहरुको मनोबल बलियो हुँदा आज एशियाली सेयरबजारमा हरियाली छाएको छ ।

सेप्टेम्बर महिनाको उपभोक्ता मूल्य सूचांकमा सामान्य सुधार देखिएपछि अमेरिकाको वार्षिक मूल्यवृद्धि दर ७.७ प्रतिशत रहेको छ । सन् २०२२ को जनवरीदेखि ८ प्रतिशत भन्दा धेरै रहेको थियो । फेडले मुद्रास्फीति नियन्त्रण गर्न ब्याजदर बढाउने प्रक्रिया अघि सारेको थियो ।

ब्याजदर वृद्धि गर्दा पनि यस अघि मुद्रास्फीति नियन्त्रणमा आएको थिएन । तर अक्टोबर महिनामा मूल्यवृद्धि दर ८ प्रतिशत भन्दा तल आएपछि लगानीकर्ता उत्साहित देखिएका छन् ।

आज एकैदिन जापान बाहिरको एशिया प्यासिफिक क्षेत्रको बृहत सेयर सूचांक एमएससीआई ३.७२ प्रतिशतले बढेको छ । अष्ट्रेलियाको एस एन्ड पी२०० सूचांक २.४३ प्रतिशत उकालो लागेको छ । यसैगरी जापानी सेयरसूचांक निकेई आज ३ प्रतिशतले बढेको छ ।

सेयरबजारमा सकरात्मक सुधार आउँदा अमेरिकी ट्रेजरी बिलको कुपन रेटमा पाँच साता यताकै गिरावट आएको छ ।

मुद्रास्फीति दरमा सामान्य गिरावट देखिएपछि आज डलर सूचांक २ प्रतिशतले घटेको छ । आज डलर सूचांक १०८.२३० रहेको छ । आज १ डलर बराबर १३१.२० नेपाली रुपैयाँमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।