भारतीय अटोमेकर कम्पनी-मारुती सुजुकी एरिनाभर्स लञ्च गर्ने तयारीमा

भारतीय अटोमेकर कम्पनी मारुती सुजुकीले एरिनाभर्स लञ्च गर्ने तयारी गरेको छ।

एरिनाभर्समा मानिसहरुले आफूलाई मन परेको मारुती सुजुकीका एरिना मोडलका कारहरुको भर्चुअल रुपमा अनुभव लिन सक्ने छन् ।

यस अघि कम्पनीले आफ्नो नेक्सा मोडलका कारहरुको नेक्साभर्स लञ्च गरिसकेको छ । नेक्साभर्सको सफलता पछि कम्पनीले एरिनाभर्स पनि लञ्च गर्ने तयारी गरेको हो ।

एरिभर्स प्लेटफर्म मार्फत ग्राहकहरु भर्चुअल शो रुममा जाने छन् र आफूलाई मन पर्ने कारको बारेमा बुझ्न सक्ने छन् । एरिनाभर्समा कम्पनीका सेल्स प्रतिनिधिहरु उपस्थित हुने छन् र उनीहरुबाट नै आवश्यक जानकारी ग्राहकवर्गाले लिन सक्ने छन् ।

एरिनाभर्स कै माध्यमबाट ग्राहकहरुले आफूलाई मन परेको कारको कलर कस्टुमाइज गर्ने देखि विभिन्न फिचरहरु उपयोग गर्न पाउने छन् ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।