एनआइसी एशिया बैंकले नागरिक लगानी कोषको सेयर बेच्दै


एनआइसी एशिया बैंकले नागरिक लगानी कोषको २४ हजार कित्ता सेयर बिक्रीमा ल्याएको छ । बैंकले आफ्नो स्वामित्वमा रहेको उक्त कित्ता सेयर बिक्रीमा ल्याएको हो ।

योग्य लगानीकर्ताले बैशाख १५ गतेदेखि बैशाख २१ गतेसम्म आवेदन दिन सक्ने छन् । गोप्य शिलबन्दी बोलपत्र आह्वानको फारम एनआइसी एसिया बैंक ववरमहल काठमाण्डौं वा बैंकले तोकिएका अन्य शाखाहरुबाट प्राप्त गर्न सकिने छ । सेयरको न्यूनतम मूल्य ७१३ रुपैयाँ तोकिएको छ ।

आवेदकले न्यूनतम १ हजार कित्ताका लागि आवेदन दिन सक्नेछन् भने अधिकतम १ सय रुपैयाँले भाग जाने गरी २४ हजार कित्तासम्मका लागी आवेदन दिन सक्नेछन् । बोलपत्र आवेदन फारममा आफुले लिन चाहेको सेयर संख्या तथा प्रति कित्ता दर अंक र अक्षरमा स्पष्ट लेख्नु पर्नेछ । उक्त सेयरको बिक्री प्रवन्धकको रुपमा एनआइसी एशिया क्यापिटल रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।