बैंकिङमा लगानीकर्ताको लगानी थपेपछि नेप्सेमा लगातार चौथो दिन बढोत्तरी

चालु आर्थिक वर्ष सुरु भएकाले बैंकिङ्ग प्रणालीमा रहेको अधिक तरलताले सेयर बजार उकालो लाग्ने क्रमले बुधबार चौथो कारोबार दिन पनि निरन्तरता पाएको छ । अधिकांश उपसमुहगत सूचक घटेपनि बैंकका सेयरमा लगानीकर्ताहरु लगानी थप्न तयार भएपछि बुधबार बजार सूचक दोहोरो अंकले बढेको हाे ।

स्टकका अनुसार बुधबार सेयर बजारमा लगातार चौथो कारोबार दिन बढेको हो । बुधबार ११.१७ सहित चार दिनको बीचमा बजार ८०.३१ अंकले बढेको हो । गत बुधबार २५.३१ अंकले बढेको बजारममा गत बिहीबर १२.६२ अंकको गिरावट आएयता आइतबारदेखि नेप्से उलकालो यात्रामा छ ।

बुधबार नेप्से ११.१७ अंकले बढेर २१६५.२५ को विन्दुमा पुगेको छ । बजार पुँजीकरणमा ठूलो हिस्सा रहेको बैंकिङ क्षेत्रमा लगानीकर्ताको आकर्षण कायमै रहँदा ब्यापार सूचक यसदिन सर्वाधिक ४.८२ प्रतिशतले बढेको छ । १३ उपसमुहगत परिसूचकमध्ये बुधबार पाँच वटा बढेको छ भने ८ वटा घटेको छ । बैंकले बजारलाई लिड गर्ने हुँदा धेरै उपसमुहगत सूचक घटेपनि बजार दोहोरो अंकले बढेको हो । जलविद्युत, होटल तथा पर्यटनमुलक, जीवन बीमा, निर्जीवन बीमा, लघुवित्त, लगानी, फाइनान्स, अन्यको अधिकांश उपसूचकमा गिरावट आएको छ । व्यापार ४.८३ प्रतिशतले बढेको बजारमा बैंकिङ २.३१ प्रतिशत, विकास बैंक १.२२ प्रतिशत र उत्पादनमूलक उपसूचक १.१४ प्रतिशतले बढेको छ ।

बुधबार ८६ लाख ७४ हजार १०० कित्ता सेयर किनबेच हुँदा ३ अर्ब ३४ करोड ८७ लाखको कारोबार भएको छ । ५१ हजार ४४५ वटा संख्यामा उक्त सेयरहरु खरिद बिक्री भएका हुन् । मंगलबार ८६ लाख ७६ हजार कित्ता सेयर ३ अर्ब ५४ करोड ८८ लाख रुपैयाँको कारोबार भएको थियो ।

आजको बजारमा मर्जरपछि कारोबार खुलेको युनाइटेड अजोड इन्स्योरेन्सको सर्वाधिक २३ करोड ५७ लाख ४५ हजार रुपैयाँको कारोबार भएको छ । यस्तै एनआईसी एशिया बैंकको १४ करोड ७० लाख ८२ हजार रुपैयाँ र शिवम् सिमेन्टको १३ करोड ८८ लाख ७६ हजार रुपैयाँको कारोबार भएको छ । फस्ट माइक्रोफाइनान्सको ८ करोड ६७ लाख ८४ हजार र हिमालयन लाइफ इन्स्योरेन्सको ८ करोड ४२ लाख ४ हजार रुपैयाँको सेयर खरिद बिक्री भएको छ । आजको बजारमा कारोबार कित्ताका आधारमा कुमारी बैंकको ४ लाख ९२ हजार ९०७ कित्ता कारोबार हुँदा युनाइटेड अजोड इन्स्योरेन्सको २ हजार १६० वटा कारोबार भएको छ ।

आजको बजारमा बिपिडब्लु लघुवित्तको सेयर मूल्य १० प्रतिशतले बढेर १४९० रुपैयाँ ७० पैसा पुगेको छ । यस्तै विशाल बजार कम्पनीको सेयरमूल्य ७.१६ प्रतिशत, युनाइटेड अजोड इन्स्योरेन्सको ६.५५ प्रतिशत, बोटलर्स नेपाल तराइको ६.०५ प्रतिशत र सिटिजन बैंकको सेयरमूल्य ५६.५७ प्रतिशतले बढेको छ ।

बुधबार एनआईबीएल समृद्धि फण्ड–२ को इकाइमूल्य ९.६४ प्रतिशतले घटेर ८ रुपैयाँ ६ पैसामा झरेको छ । यस्तै १२ प्रतिशत गुडविल डिबेञ्चर २०८३ को ७.७३ प्रतिशत, सनराइज फोकस्ड इक्वीटी फन्डको ५.६९ प्रतिशत, १० प्रतिशत प्राइम डिबेञ्चर २०८८ को ४.४८ प्रतिशत र सिभिल बैंक डिबेञ्चर २०८८ को ३.९५ प्रतिशतले घटेको छ ।

सूचीकृत कम्पनीतर्फ श्रृजनशील लघुवित्तको ३.८६ प्रतिशत, सामलिङ पावर कम्पनीको ३.८३ प्रतिशत, शुभव पावरको ३.६३ प्रतिशत र सुपर मादी हाइड्रोपावरको ३.४१ प्रतिशतले मूल्य घटेको छ ।

बुधबारको कारोबारपछि कुल बजार पुँजीकरण १४ अर्ब ४१ करोड ६७ लाख रुपैयाँले बढेर ३१ खर्ब ८१ अर्ब ८८ करोड ९९ लाख रुपैयाँ पुगेको छ । मंगलबार पुँजीकरण ३१ खर्ब ६५ अर्ब ४७ करोड ३२ लाख रुपैयाँमा समेटिएको थियो ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।