सुनको भाउमा गिरावट, मंगलबार कतिमा हुँदैछ कारोबार ?

मंगलबार सुनको भाउमा गिरावट आएको छ । सोमबार १ लाख १३ हजार रुपैयाँमा कायम गरिएको सुनको भाउ आज ३ सय रुपैयाँले घटेको हो । आज छापावाला सुनको भाउ १ लाख १२ हजार ७ सय रुपैयाँ तोकिएको छ ।

नेपाल सुनचाँदी व्यवसायी महासंघका अनुसार आज तेजाबी सुनको भाउ प्रतितोला एक लाख १२ हजार १५० रुपैयाँमा कारोबार भइरहेको छ । हिजो तेजावी सुनको भाउ एक लाख १२ हजार ४५० रुपैयाँमा कारोबार भएको थियो ।

यस्तै आज चाँदी प्रतितोला १ हजार ४६५ रुपैयाँमा कारोबार भइरहेको छ । हिजो चाँदी प्रतितोला १ हजार ४४५ रुपैयाँमा किनबेच भएको थियो । चाँदी २० रुपैयाँले घटेको हो ।

महासंघले अन्तर्राष्ट्रिय बजारको सुनचाँदी कारोबार मूल्यका आधारमा स्थानीय बजारमा सुन–चाँदीको मूल्य तोक्ने गरेको छ । अन्तर्राष्ट्रिय बजारमा आज सुन प्रतिऔँस १ हजार ९३८ दशमलव ५२ डलरमा कारोबार भइरहेको छ भने चाँदी प्रतिऔँस २३ दशमलव ८८ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।