रुख टमाटरको मूल्य एक सातामा प्रतिकेजी २५ रुपैयाँ घट्यो, अदुवामा ४५ रुपैयाँ वृद्धि

रुख टमाटरको मूल्य एक सातामा प्रतिकेजी २५ रुपैयाँले घटेको छ । गत माघ १७ गते प्रतिकेजी १३५ रुपैयाँमा कारोबार भएको रुख टमाटरको भाउ आज माघ २५ गते प्रतिकेजी ११० रुपैयाँमा कारोबार भइरहेको छ ।

कालिमाटी फलफूल तथा तरकारी बजारमा बिहीबार रुख टमाटरको अधिकतम मूल्य प्रतिकेजी १२० रुपैयाँ तोकिएको छ भने न्यूनतम मूल्य प्रतिकेजी १०० रुपैयाँ तोकिएको छ ।

यस्तै, एक साताको अवधिमा अदुवाको मूल्य ४५ रुपैयाँ बढेको छ । गत माघ १७ गते १९० रुपैयाँमा कारोबार भएको बुधबार अदुवाको प्रतिकेजी मूल्य २३५ रुपैयाँ रहेको छ ।

बिहीबार अदुवाको अधिकतम मूल्य प्रतिकेजी २५० रुपैयाँ तोकिएको छ भने न्यूनतम मूल्य २२० रुपैयाँ तोकिएको छ । आज तराई काउली प्रतिकेजी २० देखि २५ रुपैयाँ, लोकल बन्दा ३० देखि ४० रुपैयाँ, रातो अनलु २८ देखि ३० रुपैयाँमा कारोबार भइरहेको छ ।

यस्तै बिहीबार सखरखण्डको प्रतिकेजी मूल्य ७० देखि ८० रुपैयाँ, तरुल ७० देखि ८० रुपैयाँ, खनार २५० देखि ३०० रुपैयाँ, मौसम २२० देखि २५० रुपैयाँ, नेपाली मेवा ७० देखि ८० रुपैयाँसम्म कारोबार भइरहेको कालिमाटी बजार समितिले जनाएको छ।

बिहीबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।