शिखर इन्स्योरेन्सको अधिकांश सूचाङ्कमा सुधार, खुद बीमाशुल्क ५५ करोड माथि

शिखर इन्स्योरेन्स कम्पनी लिमिटेडले चालु आर्थिक वर्ष २०८०–८१ को दोस्रो त्रैमाससम्मको अपरिष्कृत वित्तीय विवरण अनुसार २५ करोड ११ लाख १२ हजार रुपैयाँ खुद नाफा आर्जन गरेको छ ।

गत आवको यसै अवधिमा २१ करोड ७ लाख १० हजार रुपैयाँ नाफा कमाएकोमा कम्पनीको १९.१७ प्रतिशत बढेको हो । आर्थिक वर्षको दोस्रो त्रैमासको वित्तीय विवरण अनुसार कम्पनीको अधिकांश सूचकमा वृद्धि भएका छन् । पुस मसान्तसम्ममा कम्पनीले ५५ करोड १४ लाख १२ हजार रुपैयाँ खुद बीमाशुल्क आर्जन गरेको छ । गत आवको यसै अवधिमा ५१ करोड ४ लाख २ हजार रुपैयाँ खुद बीमाशुल्क आर्जन गरेकोमा ८.०३ प्रतिशत बढेको हो ।

पुस मसान्तसम्ममा इन्स्योरेन्सको वार्षिक प्रति सेयर आम्दानी ३ रुपैयाँ ५ पैसाले बढेर १८ रुपैयाँ ९२ पैसा पुगेको छ । कम्पनीको प्रति सेयर नेटवर्थ १९९ रुपैयाँ १५ पैसा र मूल्य आम्दानी अनुपात ४०.०४ गुणा छ ।

प्रकाशित वित्तीय विवरण अनुसार इन्स्योरेन्सको चुक्ता पुँजी २ अर्ब ६५ करोड ४९ लाख ४७ हजार रुपैयाँ रहेको छ । इन्स्योरेन्सको विशेष जगेडा कोषमा १ अर्ब ६५ करोड ४८ लाख १७ हजार ३०० रुपैयाँ, महाविपत्ती कोषमा १३ करोड ४८ लाख ७० हजार रुपैयाँ, रिटेन्ड अर्निङ्गमा ३१ करोड ४९ लाख ७९ हजार रुपैयाँ र अन्य इक्विटीमा ५२ करोड ७६ लाख ७१ रुपैयाँ सञ्चित छ । गत पुसको तुलनामा चालु आवको पुसमा अन्य इक्वीटी ८९.४९ प्रतिशतले घटेको हो भने रिटेन्ड अर्निङ्ग ५४.०३, महाविपत्ती कोष १०.२७ र विशेष जगेडा कोषको आकार ८.२१ प्रतिशतले बढेको हो ।

चालु आर्थिक वर्षको पुस मसान्तसम्ममा इन्स्योरेन्सले १ अर्ब ९४ करोड १९ लाख रुपैयाँ कुल बीमा शुलक आर्जन गरेको छ । गत आर्थिक वर्षको सोही अवधिमा कम्पनीले १ अर्ब ८८ करोड २० लाख रुपैयाँ कुल बीमा शुल्क आर्जन गरेको थियो । कुल बीमा शुल्क आर्जन ३ प्रतिशतले बढेको हो ।

कम्पनीले गत आर्थिक वर्षको सोही अवधिमा १ अर्ब ३७ करोड १६ लाख रुपैयाँ पुनर्बीमा कमिसनमा खर्च गरेकोमा चालु आवमा १ अर्ब ३९ करोड ५ लाख रुपैयाँ खर्चिएको छ । साथै कम्पनीले ३ करोड ४२ लाख रुपैयाँ अभिकर्ता कमिशन मार्फत खर्चिएको छ । जुन गत आर्थिक वर्षको सोही अवधिको तुलनामा५३ लाख रुपैयाँ बढी हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।