नेपाली लसुनको अभाव हुँदा चाइनिज लसुनको आयात तेब्बरले बढ्यो, मूल्यमा पनि वृद्धि

एक महिनामा लसुुनको मूल्य प्रतिकेजी ९० रुपैयाँ बढेको छ । कालिमाटी फलफूल तथा तरकारी बजारमा नेपाली लसुनको आयात नभएपछि चाइनिज लसुनको भाउ वृद्धि भएको हो ।

गत माघ ६ गते प्रतिकेजी २५० रुपैयाँ रहेको लसुनको औसत मूल्य आज प्रतिकेजी ३४० रुपैयाँमा कारोबार भइरहेको छ । आज चाइनिज लसुनको अधिकतम मूल्य ३५० रुपैयाँ तोकिएको छ भने न्यूनतम मूल्य ३३० रुपैयाँ तोकिएको छ ।

कालिमाटीमा अहिले नेपाली लसुन आयात नभएको कालिमाटी बजार विकास समितिले जनाएको छ । यद्यपी, माघ २० गतेसम्म भने थोरै मात्रामा नेपाली लसुनको आयात भएको थियो ।

यता, एक महिनाको अवधिमा चाइनिज लसुनको आयात तेब्बरले वृद्धि भएको छ । गत माघ ५ गते एक हजार केजी लसुन आयात भएकोमा हिजो ३ हजार ३ सय केजी लसुन आयात भएको थियो ।

यस्तै, आज अदुवाको प्रतिकेजी न्यूनतम मूल्य २२० रुपैयाँ तोकिएको छ भने अधिकतम मूल्य २५० रुपैयाँ तोकिएको छ । आज अकबरे खूर्सानी २०० देखि २५० रुपैयाँसम्म कारोबार भइरहेको छ । यसैगरी, आज हरियो लसुन १२० देखि १४० रुपैयाँसम्म किनबेभ हुँदा हरियो प्याज ११० देखि १२० रुपैयाँसम्म कारोबार भइरहेको छ ।

कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।