यी स्थानबाट हेर्नुहोस् सर्वोत्तम सिमेन्टको आईपीओ बाँडफाँडको नतिजा

नेपालको मर्चेण्ट बैंकिङ्ग ईतिहासमा बुक विल्डिङ्ग विधि मार्फत पहिलोपटक निष्काशन गरिएको सर्वोत्तम सिमेन्टको सर्वसाधारणतर्फको आईपीओमा आवेदन दिएका ५५ हजार ५२१ जनाले न्यूनतम ५० कित्ता सेयर हात पारेका छन् ।

सर्वोत्तमको आईपीओमा कुल ९ लाख ६० हजार ३०१ ओटा आवेदन परेकोमा १ हजार ४३२ ओटा रद्द भई ९ लाख ५८ हजार ९५९ जना आवेदकलाई बाँडफाँड प्रकृयामा सहभागि गराइएको थियो । सोमध्ये ५५ हजार ५२१ जनाले न्यूनतम ५० कित्ताका दरले २७ लाख ७६ हजार ५० कित्ता सेयर बाँडफाँड गरिएको हो ।

यसरी बाँडफाँड गरी बाँकी रहेको २६ कित्ता सेयर भने ५० कित्ता सेयर पाउनेमध्ये ६० कित्तादेखि ५ हजार कित्तासम्म माग गर्ने लगानीकर्तामध्ये बाँडफाँडमा पर्न सफल २६ जना लगानीकर्तालाई थप एक (१) कित्ताका दरले गरी २६ जनालाई कुल ५१ कित्ता बाँडफाँड गरिएको हो ।

आईपीओ आवेदन गरेर सेयर पाउन योग्य ९ लाख ५८ हजार ९५९ जनामध्ये ९ लाख ३ हजार ४३८ जनाको हात भने खाली भएको छ । यो सेयर पाउन योग्य संख्याको ९४.२१ प्रतिशत बराबर हो । कुल १८ जनामध्ये एक जना अर्थात ५.७९ प्रतिशत आवेदकले मात्र सेयर हात पारेका छन् ।

उक्त बाँडफाँडको नतिजा निष्काशन तथा बिक्री प्रबन्धक ग्लोबल आइएमई क्यापिटल लिमिटेडको वेवसाइट, सह–निष्काशन तथा बिक्री प्रबन्धक एनआइएमबि एस क्यापिटल लिमिटेडको वेवसाइट र सह–निष्काशन तथा बिक्री प्रबन्धक प्रभु क्यापिटल लिमिटेडको वेवसाइट तथा निष्काशनकर्ता कम्पनी सर्वोत्तम सिमेन्ट लिमिटेडको वेवसाइट र सिडिएस एण्ड क्लियरिङ्ग लिमिटेडको वेवसाइट मार्फत समेत हेर्न सकिने जनाइएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।