लगातार तीन दिन ओरालो लागेको भिण्डीको मूल्य बुधबार बढ्यो, करेलाको भाउमा पनि वृद्धि

लगातार तीन दिन ओरालो लागेको भिण्डीको मूल्य बुधबार भने सामान्य बढेको छ । बैशाख १५ गते ११६ रुपैयाँमा कारोबार भएको भिण्डी हिजो ८६ रुपैयाँमा कायम भएको थियो ।

भिण्डीको मूल्य आज प्रतिकेजी १० रुपैयाँ बढेको हो । आज भिण्डीको प्रतिकेजी औसत मूल्य ९६ रुपैयाँ रहेको कालिमाटी तरकारी तथा फलफूल बजार विकास समितिले जनाएको छ ।

यस्तै करेलाको मूल्य पनि आज प्रतिकेजी २० रुपैयाँ बढेको छ । मंगलबार ६५ रुपैयाँमा करोबार भएको तिते करेला आज ८५ रुपैयाँमा करोबार भइरहेको छ ।
यसैगरी, आज नेपाली ठुलो गोलभेँडाको प्रतिकेजी औसत मूल्य ४५ रुपैयाँ, ठुलो भारतीय गोलभेडा ६५ रुपैयाँ, तराई सानो गोलभेडा ३० रुपैयाँ, भारतीय सानो गोलभेँडा २७ रुपैयाँमा कारोबार भइरहेको छ ।

यस्तै, रातो आलु ४७ रुपैयाँ, भारतीय रातो आलु ४७ रुपैयाँ, सुकेको प्याज ६३ रुपैयाँ, ज्यापु काउली ६६ रुपैयाँ, तने बोडी ९५ रुपैयाँ, मकै बोडी १२६ रुपैयाँ, डल्ले च्याउ ३४२ रुपैयाँ, कन्य च्याउ १३० रुपैयाँमा कारोबार भइरहेको छ ।

बुधबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।