हिमालयन लाइफको खुद नाफा घट्यो, जीवन बीमा कोषको आकार ६२ अर्ब धेरै

हिमालयन लाइफ इन्स्योरेन्स लिमिटेडले चालु आर्थिक वर्ष २०८०–८१ को तेस्रो त्रैमाससम्ममा खुद नाफा ७.९९ प्रतिशतले घटेर ४३ करोड ५४ लाख २९ हजार रुपैयाँ नाफा आर्जन गरेको छ ।  गत आर्थिक वर्षको सोही अवधिमा कम्पनीले ४७ करोड ३२ लाख रुपैयाँ नाफा आर्जन गरेको थियो ।

कम्पनीले १२ अर्ब २ करोड ३० लाख ५५ हजार रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ११ अर्ब ९ करोड ४ लाख ५४ हजार रुपैयाँ खुद बीमा शुल्क आर्जन गरेको थियो । खुद बीमा शुल्क आर्जन ८.४१ प्रतिशतले वृद्धि भएको हो । चैत्र मसान्तसम्ममा कम्पनीले ८.६२ प्रतिशतले कुल बीमा शुल्क संकलन बढाएर १२ अर्ब ३३ करोड १३ लाख ३८ हजार रुपैयाँ उठाएको छ ।

चुक्ता पुँजी ८ अर्ब २ करोड ३ लाख ८३ हजार रहेको कम्पनीको प्रति सेयर आम्दानी ८ रुपैयाँ १७ पैसाबाट घटेर ७ रुपैयाँ २४ पैसा रहेको छ । समीक्षा अवधिसम्म कम्पनीको प्रतिसेयर नेटवर्थ १२४ रुपैयाँ २५ पैसा, प्रतिसेयर कुल सम्पत्तिको मूल्य ९४९रुपैयाँ४ पैसा र मूल्य आम्दानी अनुपात ५४.६४ गुणा कायम भएको छ । चालु आर्थिक वर्षको तेस्रो त्रैमाससम्ममा कम्पनीको सल्भेन्सी रेसियो १.६६ रहेको छ ।

कम्पनीले चैतसम्म बीमाकोषको आकार १८.५७ प्रतिशतले वृद्धि हुँदै ६१ अर्ब ८० करोड २९ लाख रुपैयाँ जम्मा गरेको छ । यस्तै रिटेण्ड अर्निङ्गमा १ अर्ब ३२ करोड ९२ लाख रुपैयाँ र महाविपत्ती कोषमा ४१ करोड ६२ लाख रुपैयाँ र अन्य इक्वीटीमा १९ करोड ९२ लाख रुपैयाँ छ ।

चैतसम्म कम्पनीले पुनर्बीमा मार्फत ३० करोड ८२ लाख रुपैयाँ र अभिकर्ता कमिशन मार्फत ९९ करोड ८१ लाख ३२ हजार रुपैयाँ खर्चिएको छ । गत आर्थिक वर्षको सोही अवधिमा कम्पनीले पुनर्बीमा कमिसनमा २६ करोड २६ लाख रुपैयाँ र अभिकर्ता कमिशनमा १ अर्ब ६ करोड ५६ लाख ४७ हजार रुपैयाँ खर्चिएको थियो । यस अवधिमा कम्पनीले १३ अर्ब ९७ करोड ११ लाख रुपैयाँ खुद दाबी भुक्तानी गरेको छ भने ४ अर्ब ५६ करोड १९ लाख रुपैयाँ कुल दाबी भुक्तानी गरेको छ ।

तेस्रो त्रैमाससम्म इन्स्योरेन्सको कुल आम्दानी १०.१४ प्रतिशतले बढेर १६ अर्ब ६९ करोड ६३ लाख ३० हजार रुपैयाँ पुगेको छ । गत आर्थिक वर्षको यसै अवधिसम्ममा १५ अर्ब १५ करोड ८९ लाख ३९ हजार रुपैयाँ रहेको थियो । कम्पनीले लगानी कर्जा तथा अन्यबाट हुने आम्दानी १४.१० प्रतिशतले बढाएर चैत मसान्तसम्ममा ४ अर्ब १२ करोड ६३ लाख रुपैयाँ कमाई गरेको छ । कम्पनीको अन्य प्रत्यक्ष आम्दानी ६ करोड ३६ लाख रुपैयाँ र बीमितलाई प्रदान गरिएको कर्जाबाट ४८ करोड २६ लाख रुपैयाँ ब्याज आम्दानी गरेको छ ।

तेस्रो त्रैमासिकसम्ममा इन्स्योरेन्सको कुल खर्च १०.७२ प्रतिशतले बढेर १६ अर्ब २६ करोड ९ लाख १ हजार रुपैयाँ पुगेको छ । गत आर्थिक वर्षको यसै अवधिसम्ममा १४ अर्ब ६८ करोड ५७ लाख ५ हजार रुपैयाँ रहेको थियो ।

इन्स्योरेन्सको लगानी तेस्रो त्रैमाससम्ममा १५.९१ प्रतिशतले बढेर ६१ अर्ब ३४ करोड ७६ लाख ४७ हजार रुपैयाँ पुगेको छ । गत आर्थिक वर्षको यसै अवधिसम्ममा ५२ अर्ब ९२ करोड ४८ लाख २० हजार रुपैयाँ रहेको थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।