अथर्मन्त्रीबाट राजीनामा दिएको २४ घण्टा नपुग्दै डा.युवराज खतिवडा अर्थमन्त्रीमा पुनः नियुक्त भएका छन् ।
प्रधानमन्त्री केपी शर्मा ओलीले बुधबार खतिवडालाई अर्थमन्त्रीमा नियुक्त गरेका हन् ।
राष्ट्रियसभाको आफ्नो कार्यकाल सकिएलगत्तै खतिवडाले मंगलबार अर्थमन्त्रीबाट राजीनामा दिएका थिए । उनको राजीनामा मंगलबार नै स्वीकृत भएको थियो । राजीनामा दिएको भोलिपल्टै खतिवडा पुन: अर्थमन्त्रीमा नियुक्त भएका हुन् ।
खतिवडाले आजै अपरान्ह ४ बजे राष्ट्रपति भवन शीतल निवासमा पद तथा गोपनीयताको सपथग्रहण गर्ने राष्ट्रपति कार्यालयले जनाएको छ ।
प्रतिक्रिया